Breaking: గుడ్లవల్లేరు ఇంజనీరింగ్‌ కాలేజీకి సెలవులు

దిశ, వెబ్ డెస్క్: కృష్ణా జిల్లా గుడివాడ నియోజకవర్గం గుడ్లవల్లేరు ఇంజినీరింగ్ కాలేజీ విద్యార్థులు ఆందోళనకు దిగారు. కాలేజీ హాస్టల్ బాత్ రూమ్‌లో హిడెన్ కెమెరాలు ఉన్నాయని ఆగ్రహం వ్యక్తం చేశారు. కాలేజీ యాజమాన్యంపై చర్యలు తీసుకోవాలని డిమాండ్ చేశారు. దీంతో హిడెన్ కెమెరాల వ్యవహారం రాష్ట్రవ్యాప్తంగా సంచలనంగా మారింది.  అయితే ఈ ఘటనపై ప్రభుత్వం  స్పందించింది. వెంటనే  విచారణకు ఆదేశించింది. కానీ విద్యార్థి సంఘాల ఆందోళనలతో కాలేజీలో ఉద్రిక్తత పరిస్థితులు నెలకొన్నాయి. దీంతో కాలేజీకి యాజమాన్యం సెలవులు ప్రకటించింది. శని, ఆదివారం హాస్టల్ విద్యార్థులకు సైతం సెలవు ప్రకటించింది. ఈ మేరకు విద్యార్థినులను తల్లిదండ్రులు తమ ఇళ్లకు తీసుకెళ్తున్నారు. అయితే ఈ ఘటనపై చర్యలు తీసుకోవాల్సిందేనని విద్యార్థులు డిమాండ్ చేశారు. సమస్య పరిష్కారం కాకపోతే బుధవారం నుంచి సమ్మె చేయాలని విద్యార్థులు భావిస్తున్నారు.