హఠాత్తుగా పది మంది వచ్చి చంపేస్తామన్నారు.. మంత్రి అంబటి సంచలన వ్యాఖ్యలు

దిశ, వెబ్ డెస్క్: మంత్రి అంబటి రాంబాబుకు ఖమ్మం జిల్లాలో నిరసన సెగ తగిలింది. చంద్రబాబును అక్రమంగా అరెస్ట్ చేశారంటూ టీడీపీ నేతలు, కార్యకర్తలు ఆయనను అడ్డుకున్నారు. దీంతో అంబటి రాంబాబు మీడియాతో మాట్లాడుతూ ఆగ్రహం వ్యక్తం చేశారు. అది నిరసన సెగ కాదని.. తనపై దాడి చేసేందుకు ప్రయత్నించారని మండిపడ్డారు. అటువంటి దాడులను చూస్తూ ఊరుకోమని హెచ్చరించారు. ఒక మంత్రిగా సెక్యూరిటీ ఉన్న తనపైనే కొందరు ఉన్మాదులు దాడి చేసేందుకు యత్నించారని ఆరోపించారు. హఠాత్తుగా ఒక పది మంది వేసేస్తామని తనను బెదిరించారని చెప్పారు. ఒకే సామాజికి వర్గానికి చెందిన వ్యక్తులే తనపై దాడికి యత్నించారన్నారు. డబ్బు మదంతో కొందరు ఉన్నాదులు పేట్రేగిపోయారని.. కులోన్మాదులపై పోలీసులు కేసు నమోదు చేశారని తెలిపారు. ఉన్మాదులపై చట్టపరమైన చర్యలు తీసుకుంటామని అంబటి హెచ్చరించారు.