Breaking: తిరుపతి జిల్లాలో బాలిక మృతదేహం కలకలం

దిశ, వెబ్ డెస్క్: దిశ, వెబ్ డెస్క్: తిరుపతి జిల్లాలో ఎనిమిదేళ్ల బాలిక మృతదేహం కలకలం రేగింది. దొరవారి సత్రం మండలం నెలబల్లిలో జాతీయ రోడ్డు పక్కన రైస్ మిల్ సమీపంలో బాలిక మృతదేహం పడి ఉంటాన్ని స్థానికులు గమనించారు. వెంటనే పోలీసులకు సమాచారం అందజేశారు. సంఘటనా స్థలానికి వెళ్లిన నాయుడుపేట పోలీసులు.. బాలిక మృతదేహాన్ని పరిశీలించి పోస్టుమార్టంకు తరలించారు. అయితే బాలిక స్థానిక రైస్ మిల్లులో పని చేసే కార్మికుడి కూతురుగా గుర్తించారు. స్థానికంగా ఉన్న సీసీ టీవీ ఫుటేజీలను పరిశీలిస్తున్నారు. మంగళవారం రాత్రి నుంచి బాలిక మిస్సైనట్లు తల్లిదండ్రులు, బంధువులు చెబుతున్నారు. ఈ రోజు జాతీయ రహదారి పక్కన అటవీ ప్రాంతంలో బాలిక విగత జీవిగా కనిపించడంపై అనుమానాలు వ్యక్తమవుతున్నాయి. రాష్ట్రంలో ఇటీవల చోటు చేసుకుంటున్న కొన్ని సంఘటన దృష్ట్యా బాలికను ఎవరైనా అత్యాచారం చేసి చంపి పడేశారా అనే కోణంలో దర్యాప్తు చేస్తున్నారు. త్వరలో కేసును ఛేదించి నిందితులను పట్టుకుంటామని పోలీసులు తెలిపారు