Breaking: బాణాసంచా తయారీ కేంద్రంపై పిడుగు.. విషాదం

దిశ, వెబ్ డెస్క్: తూర్పుగోదావరి జిల్లా(East Godavari District) నిడదవోలు నియోజకవర్గం ఉండ్రాజవరం మండలం సూర్యరావుపాలెం(Surya Raopalem) గ్రామంలో అగ్ని ప్రమాదం(Fire Accident) జరిగింది. కొబ్బరి చెట్టుపై పిడుగు(Thunder) పడి బాణాసంచా తయారు చేస్తున్న ప్రదేశంలో మంటలు చెలరేగాయి. ఈ ఘటనలో బాణసంచా తయారీ కేంద్రం(Fireworks Manufacturing Centre)లో పని చేస్తున్న ఇద్దరు వ్యక్తులు మృతి చెందారు. మరో పదిమందికి గాయాలయ్యాయి. క్షతగాత్రులు తణుకు ప్రభుత్వ ఆసుపత్రికి తరలించారు. విషయం తెలుసుకున్న ఫైర్ సిబ్బంది వెంటనే ఘటనా స్థలానికి వెళ్లి మంటలను అదుపు చేశారు. మృతుల మృతదేహాలను పోస్టుమార్టంకు తరలించారు. పోలీసులు కేసు నమోదు చేసి దర్యాప్తు చేస్తున్నారు.