పంచాయతీరాజ్‌ అధికారులతో డిప్యూటి సీఎం పవన్‌ సమీక్ష

దిశ, వెబ్ డెస్క్: ఆంధ్రప్రదేశ్ డిప్యూటీ సీఎం పవన్ కల్యాణ్ పాలనపై క్షేత్ర స్థాయిలో దృష్టి సారించారు. అసెంబ్లీ ఎన్నికల్లో భారీ విజయం సాధించిన జనసేనాని పట్టుబట్టి పంచాయతీరాజ్‌ మంత్రితో పాటు పలు శాఖలను తీసుకున్నారు. ఈ క్రమంలో అధికారంలో తనదైన ముద్రను వేసేందుకు పూర్తిస్థాయిలో వ్యవస్థను పరిశీలించిన పవన్ కల్యాణ్.. ఈ రోజు పంచాయతీరాజ్‌ అధికారులతో సమీక్ష సమావేశం నిర్వహించారు. ఈ క్రమంలో రాష్ట్ర వ్యాప్తంగా ఉపాధి హామీ పథకంలో చేపట్టాల్సిన పనులకు ఆమోదం తెలిపారు. అలాగే గ్రామ సభల నిర్వహణపై చర్చించిన ఆయన.. ఈ నెల 23న అన్ని గ్రామ పంచాయతీల్లో గ్రామ సభలు చేపట్టాలని సూచించారు. అలాగే ఉపాధి హామీ పథకంలో మొత్తం 46 రకాల పనులను ప్రభుత్వం నిర్ణయించింది. ఈ క్రమంలో డిప్యూటీ సీఎం పవన్ అధికారులతో మాట్లాడుతూ.. ప్రతి రూపాయి బాధ్యతతో ఖర్చు చేయాలని సూచించారు.

Read more...

వైసీపీలో ఆ 10 మంది ఎమ్మెల్యేలు కూడా మిగలరు.. మంత్రి వాసంశెట్టి సంచలన వ్యాఖ్యలు