ఈనెల 29న విజయవాడకు సీఎం వైఎస్ జగన్

దిశ, డైనమిక్ బ్యూరో : ముఖ్యమంత్రి వైఎస్ జగన్ విజయవాడ పర్యటన ఖరారైంది. ఈ నెల 29న విజయవాడలో పర్యటించనున్నారని సీఎంవో తెలిపింది. విద్యా ధరపురం స్టేడియం గ్రౌండ్‌లో వైఎస్ఆర్ వాహన మిత్ర పథకం ఐదో విడత నిధుల విడుదల కార్యక్రమంలో సీఎం జగన్ పాల్గొననున్నారు. శుక్రవారం ఉదయం 10.15 గంటలకు తాడేపల్లి నివాసం నుంచి బయలుదేరి వెళ్తారు. అనంతరం గ్రౌండ్‌లో బహిరంగ సభలో పాల్గొని ప్రసంగిస్తారు. అనంతరం నిధులు విడుదల చేసి తాడేపల్లిలోని నివాసానికి చేరుకుంటారని సీఎంవో తెలిపింది.