నేడు మరో అంశం పై శ్వేతపత్రం విడుదల..సీఎం చంద్రబాబు సంచలన నిర్ణయం

దిశ,వెబ్‌డెస్క్: ఏపీలో ఎన్డీయే కూటమి ప్రభుత్వం కొలువుదీరింది. దీంతో సీఎంగా టీడీపీ చీఫ్ చంద్రబాబు నాయుడు బాధ్యతలు చేపట్టారు. ఈ నేపథ్యంలో ముఖ్యమంత్రి చంద్రబాబు నాయుడు రాష్ట్రాభివృద్ధిపై ప్రత్యేక ఫోకస్ పెట్టారు. ఇప్పటికే సీఎం చంద్రబాబు పలు అంశాలపై శ్వేతపత్రం రిలీజ్ చేసిన సంగతి తెలిసిందే. తాజాగా మరో శ్వేతపత్రం విడుదలకు రాష్ట్ర ప్రభుత్వం సిద్ధమైంది. పోలవరం, అమరావతి, విద్యుత్ శాఖపై ఇప్పటికే శ్వేతపత్రాలు విడుదల చేసిన చంద్రబాబు సర్కార్ నేడు గత ప్రభుత్వ భూదందాలు, సహజ వనరుల దోపిడీ పై వివరాలను వెల్లడించనున్నట్లు తెలిపింది. కావున ఈ రోజు మధ్యాహ్నం 3 గంటలకు సీఎం చంద్రబాబు ఈ శ్వేతపత్రం రిలీజ్ చేయనున్నారు.