తిరుపతిలో వాలంటీర్లు ఆందోళన.. సుధీర్ రెడ్డి క్షమాపణలు చెప్పాలని డిమాండ్

దిశ, వెబ్ డెస్క్: తిరుపతిలో వాలంటీర్లు ఆందోళనకు దిగారు. శ్రీశైలం టీడీపీ నేత బొజ్జల సుధీర్ రెడ్డికి వ్యతిరేకంగా నిరసన వ్యక్తం చేశారు. తమను తీవ్రవాదులతో పోల్చడం దారుణమంటూ ఆగ్రహం వ్యక్తం చేశారు. అంబేద్కర్ విగ్రహం వద్ద బైఠాయించారు. సుధీర్ రెడ్డి క్షమాపణలు చెప్పాలని డిమాండ్ చేశారు. బొజ్జలకు వ్యతిరేకంగా నినాదాలు చేశారు. టీడీపీ అధినేత చంద్రబాబు స్పందించాలని, బొజ్జల వ్యాఖ్యలను వెనక్కి తీసుకోవాలని డిమాండ్ చేశారు. కోవిడ్ కాలంలో ప్రాణాలకు తెగించి ప్రజలకు సేవ చేశారని, అటువంటి వాలంటీర్లను ఉగ్రవాదులనడం బొజ్జలకు తగదని అటు వైసీపీ నేతలు అంటున్నారు.