శ్రీవారిని దర్శించుకున్న సినీ నటుడు బ్రహ్మానందం

దిశ,తిరుమల:శ్రీ వేంకటేశ్వరస్వామి వారిని ప్రముఖ తెలుగు సినిమా హాస్య నటుడు బ్రహ్మానందం దర్శించుకున్నారు.ఆదివారం ఉదయం తిరుమల చేరుకున్న బ్రహ్మానందం వీఐపీ బ్రేక్ దర్శనం సమయంలో స్వామి వారిని దర్శించుకుని మొక్కులు చెల్లించుకున్నారు. దర్శనం అనంతరం ఆలయంలో రంగనాయకుల మండపంలో బ్రహ్మానందంను ఆశీర్వదించిన అర్చకులు స్వామి వారి తీర్థ ప్రసాదాలను అందజేశారు.అనంతరం ఆలయం వెలుపలికి వచ్చిన బ్రహ్మానందంను చూసేందుకు ఆయన అభిమానులు పోటీ పడ్డారు. బ్రహ్మానందం వద్దకు వచ్చి సెల్ఫీలు దిగారు.