శ్రీకాళహస్తిలో బొజ్జల సుధీర్‌కు షాక్.. తానే పోటీ చేస్తానంటున్న మాజీ ఎమ్మెల్యే

దిశ, వెబ్ డెస్క్: శ్రీకాళహస్తి టీడీపీలో వర్గపోరు తారా స్థాయికి చేరింది. ఈ నియోజకవర్గం నుంచి ఎన్నికల్లో బొజ్జల సుధీర్‌కు టీడీపీ అధినేత చంద్రబాబు సీటు కేటాయించారు. అయితే బొజ్జల సుధీర్ అభ్యర్థిత్వాన్ని మాజీ ఎమ్మెల్యే ఎస్సీవీ నాయుడు వ్యతిరేకిస్తున్నారు. ఈ ఎన్నికల్లో తనకే అవకాశం ఇవ్వాలని డిమాండ్ చేస్తున్నారు. నియోజకవర్గంలో తాను బలంగా ఉన్నానని చెబుతున్నారు. అవసరమైతే తనపై సర్వేలు చేసుకోవాలని సూచిస్తున్నారు. సర్వేకు అయ్యే ఖర్చు మొత్తం తాను భరిస్తానంటూ చెబుతున్నారు. ఎట్టి పరిస్థితుల్లోనూ శ్రీకాళహస్తి సీటు తనకు ఇవ్వాలని పట్టుబడుతున్నారు. టీడీపీ అధినేత చంద్రబాబును గురువారం కలిసి టికెట్ కోరుతానని చెప్పారు. బొజ్జల సుధీర్ కు కాకుండా బీజేపీ, జనసేనలో ఎవరికిచ్చినా సహకరిస్తానని ఎస్సీవీ నాయుడు చెబుతున్నారు.