చంద్రబాబు ఢిల్లీ పర్యటనపై మంత్రి బొత్స సెటైర్లు

దిశ, వెబ్ డెస్క్: టీడీపీ అధినేత చంద్రబాబు ఢిల్లీ వెళ్లారు. కేంద్రమంత్రులను ఆయన కలవనున్నారు. పొత్తులపై చర్చించేందుకు చంద్రబాబు ఢిల్లీ వెళ్లినట్లు ప్రచారం జరుగుతోంది. దీంతో బీజేపీ, టీడీపీ, జనసేన పొత్తు పెట్టుకోబోతున్నాయంటూ రాష్ట్రంలో సర్వత్రా చర్చ జరుగుతోంది. మరోవైపు వైసీపీ అధినేత ఈ పరిణామాలను నిశితంగా గమనిస్తున్నారు. అయితే చంద్రబాబు ఢిల్లీ పర్యటనపై మంత్రి బొత్స స్పందించారు. ఎవరు ఎవరితో కలిసినా తమపై ప్రభావం చూపలేరని ధీమా వ్యక్తం చేశారు. తాము మాత్రం సింగిల్‌గానే ఎన్నికల్లో పోటీ చేస్తామని స్పష్టం చేశారు. చంద్రబాబు ఎవరిని కలిసినా.. ఆయనతో ఎవరు భేటీ అయినా తమకు అనవసరమన్నారు. రాష్ట్రంలో తాము ప్రవేశ పెట్టిన పథకాలు వచ్చే ఎన్నికల్లో తమను అధికారంలోకి తీసుకొస్తాయని చెప్పారు. తమ ప్రభుత్వంలో లబ్ధి పొందిన ప్రజలందరూ తమతోనే ఉన్నారని బొత్స పేర్కొన్నారు.