Big Breaking:తూర్పు గోదావరి జిల్లాలో ఘోర రోడ్డు ప్రమాదం.. లారీ బోల్తాపడి ఏడుగురు దుర్మరణం

దిశ, వెబ్‌డెస్క్:తూర్పు గోదావరి(East Godavari) జిల్లాలో ఘోర రోడ్డు ప్రమాదం జరిగింది. మంగళవారం అర్ధరాత్రి దాటిన తర్వాత జీడిపిక్కల లోడుతో వెళ్తున్న లారీ బోల్తాపడటంతో ఏడుగురు కూలీలు మృతి చెందగా, మరో ఇద్దరు తీవ్రంగా గాయపడ్డారు. దేవరపల్లి(Devarapalli) మండలం చిలకావారిపాకలు సమీపంలో ఈ ప్రమాదం జరిగింది.ఈ ప్రమాదంలో..సమిశ్రగూడెం(Samisragudem) మండలం తాడిమళ్ల(Tadimalla)కు చెందిన దేవాబత్తుల బూరయ్య(40), తమ్మిరెడ్డి సత్యనారాయణ(45), తాడి కృష్ణ(45), కత్తవ కృష్ణ(40) , కత్తవ సత్తిపండు(40), పి.చినముసలయ్య(35) అలాగే నిడదవోలు(Nidadavolu) మండలం కాటకోటేశ్వరానికి చెందిన బొక్కా ప్రసాద్‌ చనిపోయారు.గాయపడ్డ వారిలో ఒకరిని ఘంటా మధుగా గుర్తించారు. మరొకరి వివరాలు తెలియాల్సి ఉంది.

ఈ ఘటన జరిగిన సమయంలో లారీలో మొత్తం 9మంది కూలీలు ఉన్నారు.లారీ బోల్తాపడటంతో అందులో ఉన్న జీడిపిక్కల బస్తాల కింద చిక్కుకుని ఏడుగురు చనిపోయారు.కాగా ఈ ప్రమాదానికి కారణమైన లారీ డ్రైవర్‌ తప్పించుకుని పారిపోయినట్లు తెలుస్తోంది. డీఎస్పీ దేవకుమార్,ఎస్సైలు శ్రీహరిరావు,సుబ్రహ్మణ్యం ఘటనా స్థలానికి చేరుకుని సహాయక చర్యలు చేపట్టారు.గాయపడిన వారిని స్థానిక ఆస్పత్రికి తరలించి చికిత్స అందిస్తున్నారు.కాగా జరిగిన ఘటనపై పోలీసులు కేసు నమోదు చేసి దర్యాప్తు చేస్తున్నారు.