పవన్ కల్యాణ్‌కు అంబటి రాంబాబు స్పెషల్ విషెస్

దిశ, వెబ్‌డెస్క్: జనసేన అధినేత పవన్ కల్యాణ్‌కు ఏపీ మాజీ మంత్రి, వైసీపీ నేత అంబటి రాంబాబు శుభాకాంక్షలు చెప్పారు. ఈ మేరకు బుధవారం సోషల్ మీడియా(ట్వి్ట్టర్) వేదికగా ఒక పోస్టు పెట్టారు. ‘ఇవాళ ఆంధ్రప్రదేశ్ ముఖ్యమంత్రిగా ప్రమాణస్వీకారం చేసిన నారా చంద్రబాబుకు, డిప్యూటీ సీఎంగా ప్రమాణం చేసిన పవన్ కల్యాణ్‌కు, మంత్రులుగా ప్రమాణం చేసిన అందరికీ నా అభినందనలు. ప్రజల ఆశలు, ఆకాంక్షలు నెరవేరుస్తూ ఎన్డీఏ ప్రభుత్వం ఆంధ్రప్రదేశ్ రాష్ట్రాన్ని అభివృద్ధి పథంలో నడిపిస్తుందని నేను విశ్వవిస్తున్నాను’’ అని పేర్కొన్నారు. కాగా, సత్తెనపల్లి నియోజకవర్గం నుంచి వైసీపీ ఎమ్మెల్యే అభ్యర్థిగా పోటీ చేసిన అంబటి రాంబాబు టీడీపీ అభ్యర్థి కన్నా లక్ష్మీనారాయణ చేతిలో ఘోర పరాజయం పాలయ్యారు.