అమితాబ్‌తో రాధికా ఆప్టే..

దిశ, వెబ్ డెస్క్ :

గ్రెగొరీ డేవిడ్ రాబర్ట్.. బెస్ట్ సెల్లింగ్ నావెల్ ‘శాంతారామ్’ను ఫైనల్‌గా ఆపిల్ టీవీ సొంతం చేసుకుంది. ఈ సిరీస్ ద్వారా బిగ్ బీ అమితాబ్ బచ్చన్ డిజిటల్ ఎంట్రీ ఇస్తుండగా.. రాధికా ఆప్టే బిగ్ బీతో స్క్రీన్ షేర్ చేసుకోబోతున్నట్లు వార్తలు వస్తున్నాయి. ఈ ప్రాజెక్ట్‌లో బచ్చన్ క్రైమ్ లార్డ్ ఖాదర్ ఖాన్ పాత్రలో కనిపించబోతున్నారు.

2020లోనే ఈ ప్రాజెక్ట్‌ను పట్టాలెక్కించేందుకు మేకర్స్ ప్లాన్ చేసినా.. కరోనా కారణంగా కుదరలేదు. ఇది క్లాసిక్ బాంబే కథ కాబట్టి తక్కువ ప్రమాదకర ప్రాంతాల కోసం వెతుకుతోంది మూవీ యూనిట్. సెట్స్‌లో కాకుండా చాలా భాగం ఔట్ డోర్ షూటింగ్ చేయాల్సి ఉండగా.. మేకర్స్ అందుకు దారావి, దక్షిణ ముంబై ప్రాంతాలను ఎంచుకున్నట్టు టాక్. 2021లో షూటింగ్ స్టార్ట్ కానుండగా.. బచ్చన్ జీ క్రైమ్ లార్డ్ పాత్రలో కనిపించబోతుండడంతో అభిమానులు ఎగ్జైట్ అవుతున్నారు. కాగా బిగ్ బీ ప్రస్తుతం కౌన్ బనేగా కరోడ్ పతి ప్రోగ్రామ్ తో బిజీగా ఉన్నారు.