‘ఆర్ఆర్ఆర్’ కోసం హైదరాబాద్‌కు ఆలియా

దిశ, వెబ్‌డెస్క్ :
బాలీవుడ్ స్టార్ హీరోయిన్ ఆలియా భట్.. లాక్‌డౌన్ తర్వాత సంజయ్ లీలా భన్సాలీ దర్శకత్వంలో వస్తున్న ‘గంగుభాయి ఖతియావాడి’ షూటింగ్‌లో పాల్గొంది. ముంబైలో జరిగిన ఈ సినిమా షూటింగ్‌ను ఇటీవలే పూర్తి చేసుకున్న ఆలియా.. తను సౌత్ ఇండస్ట్రీకి ఎంట్రీ ఇస్తున్న ‘ఆర్‌‌ఆర్‌ఆర్’ చిత్రీకరణలో జాయిన్ కాబోతుంది. నవంబర్ ఫస్ట్ వీక్ నుంచి రెగ్యులర్‌గా షూటింగ్‌కు అటెండ్ కానుందని సమాచారం.

నెక్స్ట్ వీక్ హైదరాబాద్‌కు రానున్న ఆలియా.. ఎన్టీఆర్, తారక్‌లతో కలిసిన సన్నివేశాల చిత్రీకరణలో పాల్గొననుంది. అడవిలో జీవించే వారికే అడవి మీద, సహజ వనరుల మీద హక్కు ఉంటుందని చెప్పే విషయంలో సీతారామరాజుకు, ఆలియా క్యారెక్టర్‌కు క్లాష్ వచ్చే సీన్‌ను చిత్రీకరించబోతున్నారని టాక్. పుణెలోని ఓ బంగ్లాలో ఈ సీన్ చేయాల్సి ఉన్నా.. ప్రస్తుతం కరోనా కారణంగా హైదరాబాద్‌లోనే చేస్తున్నారని సమాచారం. జనవరి వరకు ‘ఆర్‌ఆర్‌ఆర్’కు డేట్స్ కేటాయించిన ఆలియా.. ఈ షెడ్యూల్‌లోనే తన పార్ట్ పూర్తి చేయనుందని తెలుస్తోంది.