తెరపైకి ‘ఆర్తి అగర్వాల్’ బయోపిక్

ప్రస్తుతం సినీ ఇండస్ట్రీలో బయోపిక్‌ల పర్వం నడుస్తోంది. టాలీవుడ్, బాలీవుడ్‌లో ఇప్పటికే ఎన్టీఆర్, వైఎస్ఆర్, మహానటి సావిత్రి, శకుంతలాదేవి, సిల్క్ స్మిత బయోపిక్‌ సినిమాలు వెండితెరపై తళుక్కుమన్నాయి. తాజాగా టాలీవుడ్ ఫిల్మ్‌నగర్‌లో ఓ ఆసక్తికర వార్త వినిపిస్తోంది. దివంగత హీరోయిన్ ఆర్తి అగర్వాల్ జీవిత కథతో సినిమా తెరకెక్కబోతుందని తెలుస్తోంది.

చిరంజీవి, బాలకృష్ణ, నాగార్జున, వెంకటేశ్, మహేశ్ బాబు, ఎన్టీఆర్, ప్రభాస్ వంటి టాలీవుడ్ టాప్ స్టార్లతో జోడీగా నటించిన ఆర్తి.. కొంతకాలం టాప్ హీరోయిన్‌గా కొనసాగింది. ఒక యువ హీరోతో ప్రేమ, బ్రేకప్ తర్వాత అమెరికాకు వెళ్లిపోయింది. ఆ తర్వాత సినిమాల్లోకి రీఎంట్రీ ఇవ్వడం కోసం బరువు తగ్గాలనుకుని లైపో ఆపరేషన్ చేయించుకుంది. అది కాస్తా వికటించడంతో ఆమె చనిపోయిన విషయం తెలిసిందే. అయితే, ఆర్తి అగర్వాల్ జీవితంలో ఎన్నో ఎత్తుపల్లాలు ఉన్నాయి. ఈ నేపథ్యంలో ఆమె బయోపిక్ ప్రేక్షకులను ఆకట్టుకుంటుందని దర్శక, నిర్మాతలు భావిస్తున్నారు.