తెలంగాణ బీజేపీలో కీలక మార్పులు?

దిశ, వెబ్‌డెస్క్: ఎన్నికలు సమీపిస్తున్న వేళ బీజేపీలో కీలక మార్పులు చోటు చేసుకోనున్నట్లు తెలుస్తోంది. త్వరలో బండి సంజయ్‌కి కేంద్ర మంత్రి వర్గంలో చోటు దక్కనున్నట్లు సమాచారం. బీజేపీ రాష్ట్ర అధ్యక్షుడిగా కిషన్ రెడ్డిని నియమించనున్నట్లు తెలిసింది. రెడ్డి సామాజిక వర్గాన్ని బీజేపీ తమ వైపునకు తిప్పుకునేందుకు కిషన్ రెడ్డిని బీజేపీ స్టేట్ చీఫ్ చేయనున్నట్లు తెలుస్తోంది. బీజేపీలో చేరాలని భావిస్తున్న చాలా మంది డైలమాలో ఉన్న నేపథ్యంలో ఈ మేరకు బీజేపీ హై కమాండ్ నిర్ణయం తీసుకోనున్నట్లు తెలిసింది. అయితే ఈటల రాజేందర్‌కు స్టార్ క్యాంపెయినర్ బాధ్యతలు అప్పగించే ముందు బీజేపీ ఈ మేరకు నిర్ణయం తీసుకున్నట్లు తెలిసింది. కేసీఆర్ ప్రభుత్వ వైఫల్యాలను క్షేత్ర స్థాయిలో తీసుకెళ్లేందుకు ఈటల కరెక్ట్ అని బీజేపీ అధిష్టానం భావిస్తోంది.