ganja seized : వేర్వేరు ఘటనల్లో రెండు కిలోల గంజాయి స్వాధీనం

దిశ,కార్వాన్ : ఎక్సైజ్ శాఖ అధికారులు వేరు వేరు దాడుల్లో సుమారు రెండు కిలోల గంజాయి స్వాధీనం చేసుకుని ఐదుగురిని అరెస్టు చేసిన సంఘటన దూల్పేట్ ఎక్సైజ్ పోలీస్ స్టేషన్ పరిధిలో జరిగింది. రాష్ట్ర ఎక్సైజ్ సూపరింటెండెంట్ అంజిరెడ్డి, దూల్పేట్ ఎక్సైజ్ పోలీస్ స్టేషన్ ఇన్స్పెక్టర్ మధుబాబుల సంయుక్తంగా వివరాలను వెల్లడించారు. మంగళవారం దూల్పేట్ బలరాం గల్లీలో ఎక్సైజ్ శాఖ రాష్ట్ర టాస్క్ ఫోర్స్ టీం, దూల్పేట్ పోలీస్ స్టేషన్ సిబ్బంది సంయుక్తంగా దాడులు నిర్వహించగా చిన్న అలియాస్ రవీందర్ సింగ్, రాహుల్ సింగ్, మనీష్ సింగ్

     వద్ద కిలో 300 గ్రాముల గంజాయిని పట్టుకున్నారు. కాగా అభిషేక్, అజయ్, దినేష్ సింగ్ లు పరార్ లో ఉన్నట్లు వారు తెలిపారు. కాగా సీతారాంబాగ్ లోని కావడి నాగరాజ్, జి. సాయి కిరణ్ వద్ద 657 గ్రాముల గంజాయితో పాటు సెల్ ఫోన్లను స్వాధీనం చేసుకొని రిమాండ్ కు తరలించారు. ఈ రెండు కేసుల్లో ఐదుగురిని రిమాండ్ కు తరలించినట్లు ఎక్సైజ్ పోలీసులు తెలిపారు. ఈ దాడులలో ఇన్స్పెక్టర్ గోపాల్, ఎస్సై భాస్కర్ గౌడ్, భాస్కర్ రెడ్డి, శ్రీధర్, ఆజం, ప్రకాష్, మహేష్, రాకేష్ తోపాటు సిబ్బందిని, ఎక్సైజ్ ఇన్ఫోర్స్మెంట్ ఆఫ్ డైరెక్టర్ కమలహాసన్ రెడ్డి, జాయింట్ కమిషనర్ ఎస్ వై.ఖురేషి, అసిస్టెంట్ కమిషనర్ ప్రణవి అభినందించారు.