నలుగురు ద్విచక్ర వాహనాల దొంగలు రిమాండ్

దిశ, కూకట్​పల్లి : ద్విచక్ర వాహనాల దొంగలు నలుగురిని అల్లాపూర్​ పోలీసులు అరెస్ట్​ చేసి ఆదివారం రిమాండ్​కు తరలించారు. వారి వద్ద నుంచి 14 ద్విచక్ర వాహనాలను స్వాధీనం చేసుకున్నారు. పోలీసులు తెలిపిన వివరాల ప్రకారం పోలీస్​ స్టేషన్​ పరిధిలోని గాయత్రినగర్​ కూడలిలో వాహనాల తనిఖీ నిర్వహిస్తుండగా రెండు బైకులపై నలుగురు అనుమానాస్పదంగా కనిపించడంతో వారిని అదుపులోకి తీసుకుని విచారించగా వారి వద్ద ఉన్న వాహనాలు చోరీ చేసినట్టు గుర్తించారు. వారిని పోలీసులు విచారించగా కేపీహెచ్​బీ పీఎస్లో 1, ఫిలింనగర్​ పీఎస్​లో 1​, బాచుపల్లి పీఎస్​లో 1, మియాపూర్​ పీఎస్​లో 1, మాధాపూర్​ పీఎస్​లో 1,

    అల్లాపూర్​ పీఎస్​లో 1, గచ్చిబౌలిలో పీఎస్​లో 6, చందానగర్​ పీఎస్​ పరిధిలో 2 మొత్తం 14 ద్విచక్ర వాహనాలను నలుగురు చోరీ చేసినట్టు నేరం అంగీకరించినట్టు సీఐ వెంకట్​రెడ్డి తెలిపారు. వారి వద్ద నుంచి 14 ద్విచక్ర వాహనాలను స్వాధీనం చేసుకున్నామని, నిందితులు నానాక్​రామ్​గూడకు చెందిన చప్పిడి గణేష్, బాచుపల్లికి చెందిన గుబ్బల పవన్​ కుమార్​, మోతీనగర్​కు చెందిన గుబ్బల శ్రీరామ్​, ఒక మైనర్​ బాలుడు ఉన్నారని తెలిపారు. జల్సాలకు అలవాటు పడిన నిందితులు రాత్రుళ్లు తిరుగుతూ ఇండ్ల ముందు పార్క్​ చేసిన వాహనాలను చోరీ చేసి వాటిని తక్కువ ధరకు అమ్మేందుకు అన్ని వాహనాలను ఒక చోట దాచి ఉంచారని సీఐ వెంకట్​రెడ్డి తెలిపారు.