Disha Special Story: శవాలతో సెక్స్.. మార్చురీల్లో మహిళా మృతదేహాలపై దారుణంగా అత్యాచారం

శవాలతో సెక్స్... వినడానికి ఒళ్లు గగుర్పొడిచేలా ఉన్నా ఇది మాత్రం నూటికి నూరుపాళ్లు నిజం. పాశ్చాత్య దేశాలతోపాటు మన దేశంలోనూ ఇలాంటి దారుణాలు వెలుగుచూస్తున్నాయి. మహిళల డెడ్‌బాడీలతో తమ కామ కోరికలు తీర్చుకుంటున్నారు. చనిపోయాక మార్చురీకి తీసుకొచ్చిన బాడీలపై సిబ్బంది సైకోయిజాన్ని ప్రదర్శిస్తున్నారు. ఇలా డెడ్ బాడీస్‌తో శృంగారం చేయడాన్ని నెక్రోఫిలియా అంటారు. ఈ పదం ఇటీవల కాలంలో మన దేశంలోనూ న్యూస్ చానెల్స్, సోషల్ మీడియాలో అప్పుడప్పుడు వినిపిస్తున్నది. అసలు నెక్రోఫిలియా అంటే ఏమిటి? ఇది ఎంతవరకు నిజం? ఈ చర్యలకు ఎవరు పాల్పడుతారు? ఇప్పటివరకు దేశంలో ఎన్ని ఘటనలు చోటుచేసుకున్నాయి? ఈ అఘాయిత్యాలకు పాల్పడినవారికి మన చట్టంలో ఎలాంటి శిక్షలు ఉన్నాయి? ఎంతమందికి శిక్ష పడింది? ఒకసారి తెలుసుకుందాం. - ఇటికాల నాగరాజు

నెక్రోఫిలియా

శవాలతో లైంగిక వాంఛలు తీర్చుకోవడాన్ని నెక్రోఫిలియా అంటారు. ఇదొక మానసిక రుగ్మత. నెక్రోఫిలియా అనే పదం గ్రీకు నుంచి ఉద్భవించింది. ‘నెక్రో అంటే డెడ్ బాడీ.. ఫిలియా అంటే ఆకర్షణ/ప్రేమ’. ప్రాచీన కాలంలో యురోపియన్ దేశాల్లో ఇది సాధారణ చర్యగా ఉండేది. ఈజిప్షియన్లు మరణించిన అందమైన స్త్రీలతో సెక్స్ చేయడానికి ఆ రాజ్యంలో అనుమతి ఉండేది. శవాలతో సంభోగం జరిగినట్టు ఉత్తర పెరూలో రాతపూర్వక రికార్డులూ ఉన్నాయి. అక్కడి పురాతన గోడలపై చిత్రాలు సైతం గీయబడ్డాయి. ఈశాన్య చైనాలోనూ జియాన్ జి చక్రవర్తి అయిన మురోన్ జి తన ప్రియురాలైన ఫు జున్వింగ్‌ శవంతో సెక్స్ చేశాడు. ఈ చర్య కోసం అతడు ఆమెను చల్లటి శవపేటికలో దాచి ఉంచాడు. కొన్ని దేశాల్లో ఇతర దేశాలకు చెందిన ఆడవారు చనిపోతే ఆ మృతదేహాలను వారి స్వదేశాలకు తరలించే క్రమంలో నావికా సిబ్బంది శవాలతో సెక్స్ చేసేవారని పలు రికార్డుల ద్వారా తెలుస్తున్నది. అయితే.. కొంతమంది రాజులు ఇలాంటి చర్యలు జరగకుండా ఉండేందుకు స్త్రీల మృతదేహాలను కుళ్లబెట్టి సముద్రమార్గం గుండా వారి సొంత దేశాలకు పంపేవారు. భారతదేశంలో మాత్రం ఇలాంటి చర్యలు పేర్కొనబడనప్పటికీ ఇటీవల కాలంలో కొందరు ఆడవారిని చంపి ఆ శవాల ద్వారా లైంగికంగా తృప్తిపొందుతున్నారు.

కామాంధులకే కామాంధులు

యూకేలో ఓ కామాంధుడు ప్రపంచమే విస్తుపోయేలా శవాలతో సంభోగం చేశాడు. మార్చురీలో పనిచేస్తూ 100కు పైగా మృతదేహాలతో సెక్స్ చేశాడు. అందులో పసి బాలిక మొదలు వృద్ధురాళ్ల వరకూ ఉన్నారు. మృతదేహాలతో కామవాంఛలు తీర్చుకుని వాటిని వీడియో రూపంలో భద్రపరుచుకున్నాడు. అతని హార్డ్ డిస్క్‌లో కొన్ని వేల పోర్న్ వీడియోలు, అతడు శవాలతో చేసిన శృంగార వీడియోలు బయటపడ్డాయి. 2021లో అతడికి కోర్టు రెండు జీవిత ఖైదు శిక్షలను విధించింది. లండన్‌లోనూ పుల్లర్ అనే వ్యక్తి తాను పనిచేసిన హాస్పిటల్ మార్చురీలో 13 ఏళ్ల కాలంలో 101మంది మహిళా మృతదేహాలపై అత్యాచారం చేసి వీడియోలను రికార్డ్ చేశాడు. ఈ హంతకుడికి పెరోల్ అవకాశం లేకుండా జీవిత ఖైదు విధించబడింది.

సైనిక ఘర్షణలలో..

• 19వ శతాబ్దపు రస్సో-టర్కిష్ యుద్ధంలో సైనిక దళాలు మృతదేహాలను లైంగికంగా వేధించాయి.
• 1919-1926 మొరాకో యుద్ధం సమయంలో మొరాకో దళాలు నెక్రోఫిలియాకు పాల్పడ్డాయి.
• నాన్జింగ్ ఊచకోత సమయంలో చనిపోయిన మహిళలతో శృంగారంలో పాల్గొనడానికి నిరాకరించిన చైనా వ్యక్తిని జపనీయులు చంపారు.
• రువాండా మారణహోమం సమయంలో మృతదేహాలతో సెక్స్ జరిగినట్టు ఆధారాలు చెబుతున్నాయి.
• రీసెంట్‌గా రష్యా-ఉక్రెయిన్ యుద్ధంలోనూ మహిళా సైనికుల శవాలపై సైతం అత్యాచారాలు జరిగినట్టు ఆరోపణలు వచ్చాయి.

కోల్‌కతాలోని ఆర్‌జీ కర్ ఆస్పత్రి మార్చురీలో..

ఇటీవల కోల్‌కతాలో మహిళా ట్రైనీ డాక్టర్‌పై హత్యాచారం కేసులో కొనసాగుతున్న దర్యాప్తులో ఆర్‌జీ కర్ హాస్పిటల్‌లోని మార్చురీలో నెక్రోఫిలియా ఘటనలు జరిగినట్టు మీడియాల్లో కథనాలు వచ్చాయి. నిందితుడు సంజయ్ రాయ్‌తో సహా చాలా మంది ప్రతిరోజూ రాత్రి 7.30 నుంచి 8 గంటలకు క్లోజ్ చేసే ఆస్పత్రి మార్చురీకి వెళ్లేవారని దర్యాప్తులో పేర్కొనట్టు తెలిపింది. మృతదేహాలతో సెక్స్ చేస్తున్నప్పుడు వీడియోలను కూడా రికార్డ్ చేసి వాటితో పోర్న్ రాకెట్‌‌ నడిపినట్టు వెల్లడించింది. 2021 సంవత్సరంలో 60 నుంచి 70 మృతదేహాలు మార్చురీ నుంచి మాయమయ్యాయని సీబీఐ వర్గాలు పేర్కొనట్టు మీడియా తెలిపింది.

పాకిస్తాన్‌లో సమాధులకు గ్రిల్స్

కరోనా టైములో పాకిస్తాన్‌లో మహిళల మృతదేహాలకు రక్షణ లేకుండాపోయింది. సమాధులు తవ్వి మరీ మహిళల మృతదేహాలను వెలికి తీసి లైంగిక అకృత్యాలకు పాల్పడినట్టు పాకిస్తాన్ మీడియా సంస్థ డైలీ టైమ్స్‌లో కథనాలు వెలువడ్డాయి. ఇలా సమాధులు తవ్వి శవాలపై ఆత్యాచారాలు చేస్తున్న ఘటనలు పెరిగిపోవడంతో అమ్మాయిల తల్లిదండ్రులు ఆ సమాధుల చుట్టూ ఇనుపకంచెలు, గ్రిల్స్ వంటి వాటితో రక్షణ ఏర్పాటు చేశారు. 2011లో ముహమ్మద్ రిజ్వాన్ అనే వ్యక్తిని అరెస్ట్ చేయగా సంచలన నిజాలు బయటపడ్డాయి. అతడు 48 మంది మహిళల శవాలను సమాధుల నుంచి వెలికి తీసి అఘాయిత్యానికి పాల్పడినట్టు విచారణలో వెల్లడైంది. 

మన దేశంలో ఘటనలు..

నిఠారీ కేసు

ఢిల్లీకి సమీపంలోని నోయిడాలో 2006లో జరిగిన ఘోరమైన ఘటనను ‘ది నిఠారీ కేసు’గా పిలుస్తారు. ఈ ఘటనలో హత్యలు, శవాలపై సెక్స్, నరమాంస భక్షకం జరిగినట్టు కేసు నమోదైంది. నోయిడాలోని ఓ ఇంటి యజమాని అయిన మోనిందర్ సింగ్ పంధేర్, అతడి ఇంటి సహాయకుడు సురిందర్ కోలీలు చిన్నపిల్లలకు స్వీట్లు, చాక్లెట్‌లు ఇస్తామని మభ్యపెట్టి, మహిళలకు డబ్బు ఆశ చూపి మొత్తం 16 మందిపై అత్యాచారం చేశారు. అంతటితో ఆగకుండా వారిని చంపి మృతదేహాలపై సైతం సెక్స్ చేశారు. ఇంతటి క్రూరమైన నేరాలకు పాల్పడిన దుండగులను సరైన సాక్ష్యాధారాలు లేకపోవడంతో అలహాబాద్ హైకోర్టు నిర్దోషులుగా ప్రకటించింది.

తమిళనాడు కేసు

2016లో తమిళనాడులో చినరాజ్ అనే వ్యక్తి తన ప్రియురాలైన పాండిమ్మళ్(36), ఆమె ముగ్గురు కూతుళ్లైన పరిమళ్(19), పవిత్ర(18), స్నేహ(16)లను చంపి శవాలతో సెక్స్ చేశాడు. ఈ కేసులో చెన్నైలోని మహిళా న్యాయస్థానం నాలుగు హత్యలకు గాను నిందితుడికి నాలుగు జీవితఖైదులతో పాటు రూ.20వేల జరిమానా విధించింది. నోయిడాలోని మార్చురీ ఫ్రీజర్ రూమ్‌లో ఓ వ్యక్తి లైంగిక చర్యలో పాల్గొన్నట్టు అక్కడి సీసీ కెమెరాలో రికార్డయింది. ఈ ఘటనలో పోలీసులు ముగ్గురు ఉద్యోగులను అరెస్టు చేశారు.

పాల్ఘర్ కేసు

2020లో కొవిడ్-19 లాక్‌డౌన్ టైములో మహారాష్ట్రలోని పాల్ఘర్‌లో నెక్రోఫిలియా కేసు నమోదైంది. శివ చౌదరి అనే దుకాణదారుడు వస్తువుల ధరపై జరిగిన వాదనలో 32 ఏళ్ల మహిళా కస్టమర్‌ను చంపాడు. ఆపై ఆమె శరీరంపై అత్యాచారం చేసి దుకాణానికి అర కిలోమీటరు దూరంలో పడేశాడు. ఈ నేరాన్ని అతడు స్వయంగా ఒప్పుకున్నాడు. పోలీసులు కేసు నమోదు చేసి విచారణ అనంతరం జైలుకు తరలించారు.

జలంధర్ కేసు

పంజాబ్‌లోని జలంధర్‌లో 2023 డిసెంబరులో నెక్రోఫిలియా కేసు ఫైల్ అయ్యింది. ఇందులో ఓ ఈ-రిక్షా డ్రైవర్ 22 ఏళ్ల నర్సును హత్య చేసి ఆ మృతదేహంతో లైంగికచర్యలకు పాల్పడ్డాడు. ఈ విషయాన్ని అతడే పోలీసుల ఎదుట అంగీకరించాడు. ఈ ఘటనకు ముందు తాగిన మత్తులో మరో ఇద్దరు మహిళలను సైతం ఇలాగే చేసినట్టు ఒప్పుకున్నాడు.

కరీం గంజ్ హాస్పిటల్ కేసు

ఈ ఏడాది ఏప్రిల్‌లో అస్సాంలో పెడోఫిలిక్ నెక్రోఫిలియా కేసు నమోదైంది. ఓ బాలిక విషం తాగి ఆత్మహత్య చేసుకోగా పోలీసులు ఆ మృతదేహాన్ని పోస్టుమార్టం కోసం కరీం గంజ్‌లోని సివిల్ ఆస్పత్రికి తీసుకెళ్లి మార్చురీలో ఉంచారు. మరుసటి రోజు పోస్ట్‌మార్టం గదిలో ఆ బాలిక శవం అత్యాచారానికి గురైనట్టు పోలీసులు గుర్తించారు. ఆస్పత్రి సిబ్బందిని విచారించగా తానే నేరం చేసినట్టు హాస్పిటల్ స్వీపర్ అయిన మంజు రబీ దాస్‌ ఒప్పుకున్నాడు. ఈ విచారణ ఇంకా కొనసాగుతోంది.

చట్టాలు ఏం చెబుతున్నాయి?

మృతదేహాలకు భంగం వాటిల్లకుండా ఉండేందుకు కొన్ని దేశాలు ఈ నెక్రోఫిలియాపై కఠినమైన చట్టాలను తీసుకొచ్చాయి. ఆస్ట్రేలియాలో శవాలపై సెక్స్ జరిగినట్టు రుజువైతే రెండేళ్ల జైలు శిక్ష విధిస్తారు. బ్రెజిల్‌లో రెండేళ్ల జైలు, జరిమానా, న్యూజిలాండ్, స్వీడన్, యూకేలో గరిష్ఠంగా రెండేళ్ల జైలు శిక్ష ఉంది. మన దేశంలో మాత్రం దీనిపై ఎటువంటి చట్టాలు లేవు. నెక్రోఫిలియాను ఏ లైంగిక నేరాల కింద పేర్కొనలేదు. మహిళ బతికున్నప్పుడు అత్యాచారం లేదా మర్డర్ జరిగితే ఆ ఘటనలపై ఉన్న శిక్షలనే అమలు చేస్తున్నారు. అయితే 2015లో కర్ణాటకలో ఓ వ్యక్తి చిన్నపిల్లలతో సహా ఐదుగురిని చంపి వారిపై అత్యాచారం చేసిన ఘటనలో ఆ రాష్ట్ర హైకోర్టు సెక్షన్ 375 కింద శిక్ష విధిస్తూ నెక్రోఫిలియాపై చట్టంలో మార్పు తీసుకురావాల్సిన అవసరమున్నదని అభిప్రాయపడింది. మానవ శరీరానికి అవమానం కలిగించే ఘటనలను సెక్షన్ 297 కిందకు తీసుకురావచ్చని పేర్కొన్నది.

శవాలతో సెక్స్‌కు ఇష్టపడేవారిలో ప్రధానంగా 10 వేర్వేరు స్వభావాలు..

1. రోల్ ప్లేయర్స్: సెక్స్ టైములో భాగస్వామి చనిపోయినట్టు నటిస్తే ఉద్రేకపడే వ్యక్తులు.

2. రొమాంటిక్ నెక్రోఫిలియాక్స్: ప్రియురాలు/ భార్య చనిపోయినా వారికి అంత్యక్రియలు నిర్వహించరు. ఆ శవాన్ని తమతోనే ఉంచుకుంటారు.

3. నెక్రోఫిలియాక్ ఫాంటసైజర్లు: మృతదేహాలతో సెక్స్ గురించి ఆలోచిస్తారు. కానీ, ఆ సాహసం చేయలేరు.

4. టచ్ నెక్రోఫిలియాక్స్: సెక్స్‌లో పాల్గొనకుండా శవాన్ని తాకడం, కొట్టడం ద్వారా ఉద్రేకపడే వ్యక్తులు.

5. ఫెటిస్టిక్ నెక్రిఫిలియాక్స్: సెక్స్‌లో పాల్గొనకుండా శవాల నుంచి పార్ట్స్‌ను కట్ చేసి దాచుకునే వ్యక్తులు. ఆ పార్ట్స్ చూస్తూ కామోద్రేకానికి లోనవుతారు.

6. నెక్రోముటిలోమానియాక్స్: సంభోగంలో పాల్గొనకుండా హస్తప్రయోగం చేస్తూ స్వయంతృప్తి పొందుతారు.

7. అవకాశవాద నెక్రోఫిలియాక్స్: నెక్రోఫిలియాపై ఆసక్తి లేని వ్యక్తులు. కానీ, చాన్స్ వచ్చినప్పుడు యూజ్ చేసుకునేవారు.

8. రెగ్యులర్ నెక్రోఫిలియాక్స్: పూర్తిగా చనిపోయినవారితో సెక్స్‌కు ప్రాధాన్యం ఇచ్చేవారు.

9. నరహత్య నెక్రోఫిలియాక్స్: వీరిని నెక్రోశాడిస్టులు అని కూడా అంటారు. వీరు సెక్స్ కోసం మహిళలను చంపి సంభోగం చేస్తారు. బతికి ఉన్నవారిని చంపి.. శరీరం చల్లబడకముందే సెక్స్ చేస్తూ ఆనందం పొందుతారు.

10. స్పెషల్ నెక్రోఫిలియాక్స్: ఈ తరహా వ్యక్తులు మృతదేహాలతో మాత్రమే సెక్స్ కోరుకుంటారు. జీవించి ఉన్న భాగస్వాములపై ఇంట్రెస్ట్ చూపరు.