suicide : ఆర్థిక ఇబ్బందులే ఉసురు తీశాయి

దిశ,ముదిగొండ : ఆర్థిక ఇబ్బందులతో మందనపు నాగేశ్వరరావు అనే వ్యక్తి ఉరివేసుకొని ఆత్మహత్య చేసుకున్న సంఘటన బుధవారం మండలంలో చోటు చేసుకుంది. పోలీసులు తెలిపిన వివరాల ప్రకారం నేలకొండపల్లి మండలం గువ్వలగూడెం గ్రామానికి చెందిన ముందనపు నాగేశ్వరరావు (45) కొంతకాలంగా కుటుంబంతో కలిసి ఖమ్మంలో నివాసం ఉంటున్నారు. నాగేశ్వరరావు ముదిగొండ, నేలకొండపల్లి పరిసర ప్రాంతంలలో కేబుల్ ఆపరేటర్ గా పని చేస్తూ జీవనం సాగిస్తున్నారు.

    కాగా కొంతకాలంగా నాగేశ్వరరావు ఆర్థిక ఇబ్బందులతో సతమతమవుతూ మంగళవారం అర్ధరాత్రి ముదిగొండ మండల పరిధిలోని సువర్ణాపురం గ్రామ సమీపాన జాతీయ రహదారి పక్కన ఉన్న పత్తి తోటలోని మామిడి చెట్టుకి ఉరివేసుకొని ఆత్మహత్యకు పాల్పడ్డాడు. మృతుడికి భార్య, ఇద్దరు పిల్లలు ఉన్నారు. మృతుడి తండ్రి మందనపు నిరంజన్ ఫిర్యాదు మేరకు స్థానిక ఎస్ఐ గజ్జెల నరేష్ కేసు నమోదు చేసి దర్యాప్తు చేపడతామని తెలిపారు.