పేకాట ఆడుతూ పట్టుబడ్డ కానిస్టేబుల్

దిశ ప్రతినిధి,తిరుపతి:చిత్తూరు జిల్లా కార్వేటి నగరం పోలీస్ స్టేషన్ పరిధిలోని కొల్లాగుంట గ్రామంలోని మామిడి తోటలో కొంతమందితో కలిసి జూదం ఆడుతూ తిరుపతి రూరల్ పోలీస్ స్టేషన్ నందు విధులు నిర్వహిస్తున్న పోలీస్ కానిస్టేబుల్ పూర్ణచంద్రరావు కార్వేటి నగరం పోలీసులకు పట్టుబడ్డారు.ఈ విషయమై కేసు నమోదు చేసి జూదం ఆడిన వారందరినీ అరెస్టు చేశారు. ఒక కానిస్టేబుల్ అయి ఉండి జూదాన్ని అడ్డుకోకుండా వారితో కలిసి జూదం ఆడి అరెస్టయిన కారణంగా, శాఖాపరమైన క్రమశిక్షణ చర్యలలో భాగంగా పూర్ణ చంద్రరావు ను సస్పెండ్ చేస్తూ జిల్లా ఎస్పీ కృష్ణ కాంత్ పటేల్ ఆదివారం ఉత్తర్వులు ఇచ్చారు.