కల్వర్టులో కుళ్లిన శవం

దిశ,నిజాంసాగర్ : నిజాంసాగర్ మండలంలోని నర్సింగ్, రావుపల్లి చౌరస్తా వద్ద గల ఓ కల్వర్టులో ఓ గుర్తు తెలియని శవం లభ్యమైనట్లు ఎస్ఐ కె.సుధాకర్ తెలిపారు. ఎస్ఐ తెలిపిన వివరాల ప్రకారం..కామారెడ్డి జిల్లా నిజాంసాగర్ మండలంలోని జాతీయ రహదారి 161 నర్సింగ్ రావుపల్లి సమీపంలో గల కల్వర్టులో ఒక మగ మనిషి మృత దేహం లభ్యమైందని తెలిపారు. వయస్సు 45 నుండి 50 సంవత్సరాలు

     ఉంటుందని, తెలుపు రంగు షర్ట్, దోతీ ధరించి ఉన్నాడని పేర్కొన్నారు. మృత దేహం పూర్తిగా కుళ్లిపోయి గుర్తుపట్టని స్థితిలో ఉందని తెలిపారు. సంఘటన స్థలాన్ని బాన్సువాడ రూరల్ సీఐ సత్యనారాయణ పరిశీలించి కేసు నమోదు చేసి దర్యాప్తు చేస్తున్నట్లు తెలిపారు. మృతి చెందిన మగ మనిషి వివరాలు ఎవరికైనా తెలిస్తే నిజాంసాగర్ ఎస్ఐ సుధాకర్ సెల్: 8712686172, బాన్సువాడ రూరల్ సీఐ సత్యనారాయణ సెల్: 8712686170 నెంబర్లకు ఫోన్ చేయాలని కోరారు.