గ్యాస్​ లీకై మంటలు చెలరేగి ఇద్దరికి తీవ్ర గాయాలు

దిశ, బషీరాబాద్ : సిలిండర్ నుంచి గ్యాస్​ లీకై మంటలు అంటుకోవడంతో ఇద్దరికి తీవ్ర గాయాలయ్యాయి. ఈ సంఘటన బషీరాబాద్ మండల పరిధిలోని రెడ్డి ఘనపూర్ గ్రామంలో శుక్రవారం చోటుచేసుకుంది. గ్రామస్తులు తెలిపిన వివరాల ప్రకారం.. గ్రామానికి చెందిన

    పెద్ద కుర్వ దేవప్ప ఇంట్లో గ్యాస్ లీక్ అవడంతో అదే గ్రామానికి చెందిన ఓ వ్యక్తికి చూపించటంతో ఆ వ్యక్తి లైటర్ వెలిగించాడు. దాంతో ఒక్కసారిగా మంటలు చెలరేగాయి. పెద్ద కుర్వా దేవప్ప తో పాటు మరో వ్యక్తికి తీవ్ర గాయాలు అయ్యాయి. బాధితులను ప్రభుత్వ ఆసుపత్రికి తరలించారు. ఈ సంఘటనపై పూర్తి వివరాలు తెలియాల్సి ఉంది.