తెలంగాణలో కరోనా విజృంభణ

దిశ, వెబ్ డెస్క్ : తెలంగాణలో కరోనా విజృంభణ కొనసాగుతుంది. రోజురోజుకు కరోనా కేసుల సంఖ్య విపరీతంగా పెరుగుతున్నాయి. ఈ నేపథ్యంలో నిన్న రాష్ట్రంలో 7,430 కరోనా పాజిటివ్ కేసులు నమోదయ్యాయి. దీంతో మొత్తం కేసుల సంఖ్య 4,50,790 కి చేరింది. ఇక కరోనా తో నిన్న 56 మంది ప్రాణాలు కోల్పోయారని అదే సమయంలో 5,567 మంది కోలుకున్నట్టు వైద్యఆరోగ్య శాఖ తెలిపింది. రాష్ట్రంలో ఇప్పటి వరకు 2,368 మంది కరోనాతో ప్రాణాలు కోల్పోగా, 3,67,727 మంది కోలుకున్నారు. తెలంగాణలో ప్రస్తుతం 80,695 యాక్టివ్ కేసులున్నాయి. జీహెచ్ఎంసీ ప‌రిధిలో కొత్తగా 1,546 మందికి క‌రోనా సోకింది.