కరోనాతో 50మంది డాక్టర్లు మృతి

ప్రపంచం మొత్తం కరోనావైరస్‌ కారణంగా అతలాకుతలం కాగా.. ఇటలీలో వైరస్ విజృంభించి విలయతాండవం చేసింది. దాదాపు ఇటలీలో ఇప్పటికే పదివేల మంది ఈ వైరస్ కారణంగా మరణించిన సంగతి తెలిసిందే. కాగా ఇటలీలో ఇప్పటిదాకా 50 మంది డాక్టర్లు కూడా కరోనాతో చనిపోయినట్టు అక్కడి నేషనల్​ ఫెడరేషన్​ ఆఫ్​ ఆర్డర్స్​ ఆఫ్​ సర్జన్స్​ అండ్​ డెంటిస్ట్స్​ ప్రెసిడెంట్​ ఫిలిపో అనేలి ప్రకటించారు. అందులో 17 మంది డాక్టర్లు ఎక్కువ ఎఫెక్ట్​ ఉన్న లొంబార్డి రీజియన్​కు చెందిన వారేనని చెప్పారు. ప్రపంచంలో కరోనా మరణాల సంఖ్య 30 వేలు దాటింది. ఇప్పటిదాకా ఈ వైరస్‌తో 33,523 మంది మరణించారు. 20 వేలకు పైగా మరణాలు ఒక్క యూరప్​లోనే నమోదయ్యాయి. కేసులు ఏడు లక్షలు దాటాయి. 7,07,312 మందికి వైరస్​ సోకింది. 1,50,732మంది ఇన్​ఫెక్షన్​ నుంచి కోలుకున్నారు.

Tags : 50 Doctors, Died, Corona virus, italy, yurap