భారత్‎లో ఎన్ని కరోనా కేసులంటే..?

దిశ, వెబ్‎డెస్క్: భారత్‎లో కరోనా మహమ్మారి విజృంభిస్తోంది. తాజాగా గత 24 గంటల్లో 46,232 కరోనా పాజిటివ్ కేసులు నమోదయ్యాయి. నిన్న ఒక్కరోజే 564 మంది మరణించారు. దీంతో దేశవ్యాప్తంగా కరోనా కేసుల సంఖ్య 90,50,598కి చేరింది. ఇప్పటివరకు 1,32,726 మంది మృతి చెందారు. దేశవ్యాప్తంగా ప్రస్తుతం 4,39,747 యాక్టివ్ కేసులు ఉండగా.. కరోనా నుంచి కోలుకుని 84,78,124 మంది డిశ్చార్జ్ అయినట్లు కేంద్ర వైద్యారోగ్య శాఖ వెల్లడించింది.