భారత్‌లో కరోనా డేంజర్ బెల్స్.. రికార్డు స్థాయిలో కేసులు

న్యూఢిల్లీ: దేశంలో కరోనా మృత్యు పాశాన్ని విసురుతోంది. తాజాగా గడిచిన 24 గంటల్లో ఈ మహమ్మారి బారిన పడి అత్యధికంగా 2,624 మరణించారు. ఇప్పటి వరకు మొత్తం 1,89,544 మందని కరోనా రక్కసి పొట్టన పెట్టుకుంది. దేశంలో అంతకంతకూ పెరుగుతున్న కరోనా కేసులు ఆందోళన కలిగిస్తున్నాయి. తాజాగా దేశంలో గడిచిన 24 గంటల్లో రికార్డు స్థాయిలో 3,46,786 కరోనా కేసులు నమోదయ్యాయి. దీంతో ఇప్పటి వరకు మొత్తం కరోనా కేసుల సంఖ్య 1,66,10,481కు చేరింది. కాగా దేశ వ్యాప్తంగా 2,19,838 మంది కరోనా నుంచి కోలుకున్నట్టు వైద్య శాఖ హెల్త్ బులిటెన్‌లో తెలిపింది.