4 లక్షల మార్క్ దాటిన కరోనా

దిశ, వెబ్‌డెస్క్: దేశంలో కరోనా వైరస్ కోరలు చాచుతోంది. దేశవ్యాప్తంగా పాజిటివ్ కేసుల సంఖ్య 4 లక్షల మార్క్ దాటింది. రోజు రోజుకీ కొత్త కేసుల నమోదులో రికార్డు సృష్టిస్తోంది. గత వారం రోజుల నుంచి ప్రతి రోజు 10 వేల పైబడే కొత్త కేసులు పుట్టుకొస్తున్నాయి. తాజాగా గత 24 గంటల్లో దేశవ్యాప్తంగా 15,413 కొత్త కేసులు నమోదు అయ్యాయి. దీంతో మొత్తం కేసుల సంఖ్య 4,10,461కు చేరింది. ఈ మేరకు కేంద్ర ఆరోగ్యశాఖ బులిటెన్ విడుదల చేసింది. ఒక్క రోజులో దేశవ్యాప్తంగా 306 మంది కరోనాతో మృతి చెందడటంతో మొత్తం మృతుల సంఖ్య 13,254కు చేరింది. ఇప్పటి వరకు 2,27,755 మంది కోలుకుని ఆసుపత్రుల నుంచి డిశ్చార్జి అయ్యారు. ప్రస్తుతం దేశవ్యాప్తంగా 1,69,451 యాక్టివ్ కేసులు ఉన్నాయి.