7 విమానాల్లో 1,084 మంది రాక

దిశ, హైదరాబాద్: లాక్‌డౌన్ కారణంగా వివిధ దేశాల్లో చిక్కుకుపోయిన భారతీయులను స్వదేశం తరలించేందుకు చేపట్టిన వందేభారత్ మిషన్ రెండో దశ మిషన్‌లో భాగంగా ఆది, సోమవారాల్లో ఏడు విమానాల్లో 1,084 మంది ప్రయాణికులు శంషాబాద్ ఎయిర్ పోర్ట్‌కు చేరుకున్నారు. వీరిలో స్వీడన్‌‌లోని స్టాక్ హోమ్ నుంచి 163 మంది, న్యూజిలాండ్‌లోని ఆక్లాండ్ నుంచి 115 మంది, నైజీరియాలోని లాగోస్ నుంచి 168 మంది, జర్మనీలోని ఫ్రాంక్‌ఫర్ట్ నుంచి 148 మంది, షికాగో నుంచి 125 మంది, మస్కట్ నుంచి 196, మలేసియా నుంచి 177 మంది హైదరాబాద్‌కు వచ్చారు. వైద్య పరీక్షలు, ఇమ్మిగ్రేషన్ కస్టమ్స్ తనిఖీల అనంతరం అందరినీ క్వారంటైన్‌కు తరలించారు.