ఘోర ప్రమాదం.. రెండు బైకులను ఢీకొట్టిన కారు

దిశ, పాలేరు : తిరుమలాయపాలెం మండల కేంద్రంలోని కొక్కిరేణి స్టేజి వద్ద గురువారం ఒక కారు, రెండు ద్విచక్ర వాహనాలు ఢీకొన్నాయి. ఈ ప్రమాదంలో ద్విచక్ర వాహనంపై వెళ్తున్న రెడ్డిబోయిన గంగాధర్ (27)అనే వ్యక్తి తలకు తీవ్ర గాయమైంది. మరో ఇద్దరికి స్వల్ప గాయాలయ్యాయి. కాగా మర్రిపెడబంగ్లా వైపు నుంచి ఖమ్మం వస్తున్న కారు కొక్కెరేణి స్టేజి వద్ద హైవే ఎక్కుతున్న ఓ బైక్ ని తప్పియబోయి మరో రెండు ద్విచక్ర వాహనాలను ఢీకొట్టింది.

ఈ ఘటనపై సమాచారం అందుకున్న పోలీసులు అక్కడికి చేరుకొని 108 సహాయం ద్వారా గాయపడ్డ వారిని ఖమ్మం ప్రభుత్వ ఆసుపత్రికి తరలించారు. తిరుమలాయపాలెం ఎస్సై రఘు కేసు నమోదు చేసుకొని దర్యాప్తు చేస్తున్నారు.