IND vs ENG: టీ20 సెమీఫైన్‌లకు భారీ వర్ష సూచన..నేరుగా ఫైనల్‌లోకి భారత్
దిశ, వెబ్ డెస్క్: టీ20 వరల్డ్ కప్ కు భారత జట్టు అడుగు దూరంలో ఉంది. ఇప్పటికే 2023 వన్డే వరల్డ్ కప్ ఫైనల్ దాకా వెళ్ళిన భారత్ ఆస్ట్రేలియా చేతిలో ఓడిపోయి రన్నరప్ గా నిలిచింది. దీంతో రోహిత్, విరాట్ లు ఈ టీ20 వరల్డ్ కప్ అయిన సాధించాలనే తపనతో ఉన్నారు. ఈ క్రమంలోనే ప్రతి మ్యాచ్ లో విజయం సాధించిన భారత్ సెమీ ఫైనల్ వరకు చేరింది. టీ20 వరల్డ్ కప్ సెమీస్ మ్యాచ్ జూన్ 27 రాత్రి 8 గంటలకు భారత్, ఇంగ్లాండ్ జట్ల మధ్య జరగనుంది. కాగా ఈ మ్యాచులో విజయం సాధిస్తే నేరుగా భారత్ ఫైనల్ చేరుతుంది.
ఇదిలా ఉంటే రేపు మ్యాచ్ జరగాల్సిన గయానా నిన్నటి నుంచి భారీ వర్షం కురుస్తుంది. ఈ రోజు కూడా భారీ వర్షం కురవడంతో ప్లేయర్లు ప్రాక్టీస్ చేయడం మానేశారు. అలాగే 27న కూడా మ్యాచ్ జరిగే సమయంలో దాదాపు 80 శాతం వర్షం పడే అవకాశం ఉన్నట్లు వాతావరణ శాఖ పేర్కొంది. ఈ క్రమంలో జూన్ 27న భారత్ వర్సెస్ ఇంగ్లాండ్ సెమీఫైనల్ కోసం మొత్తం 7 గంటల 20 నిమిషాల సమయం కేటాయించింది. అయితే వర్షం కారణంగా మ్యాచ్ రద్దు అయితే ఎమ్ జరుగుతుందనే ప్రశ్న ప్రస్తుతం భారత ప్రేక్షకుల్లో తలెత్తింది. కాగా దీనిపై కూడా ఐసీసీ స్పష్టమైన ప్రకటన చేసింది. సెమీస్ కోసం కేటాయించిన 7 గంటల 20 నిమిషాలకు కూడా మ్యాచ్ ప్రారంభం కాకపోయిన, పూర్తి కాకపోయినా మ్యాచ్ రద్దు చేస్తారు. దీంతో నెట్ రన్ రేట్ కారణంగా భారత్ నేరుగా టీ20 వరల్డ్ కప్ ఫైనల్ చేరుతుందని ఐసీసీ ప్రకటిచింది.
