అన్నమయ్య జిల్లాలో ఘోర ప్రమాదం.. ఇద్దరు స్పాట్ డెట్

దిశ, వెబ్‌డెస్క్: అన్నమయ్య జిల్లా రాయచోటి వద్ద ఘోర రోడ్డు ప్రమాదం జరిగింది. ప్రయివేట్ బస్సు, లారీ ఢీకొని ఇద్దరు డ్రైవర్లు అక్కడికక్కడే దుర్మరణం చెందారు. ప్రమాద సమయంలో బస్సులో ప్రయాణిస్తున్న 20 మంది ప్రయాణికులకు కూడా తీవ్ర గాయాలు అయ్యాయి. సంబేపల్లి మండలం శెట్టిపల్లి క్రాస్ రోడ్ వద్ద గురువారం రాత్రి సమయంలో ఈ ప్రమాదం చోటుచేసుకుంది. స్థానికుల సమాచారంతో విషయం తెలుసుకున్న పోలీసులు హుటాహుటిన ఘటనా స్థలానికి చేరుకొని కేసు నమోదు చేసుకున్నారు. అనంతరం దర్యాప్తు ప్రారంభించారు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.