యువతి నగ్న వీడియోలు వైరల్.. ఆ కసితో సోషల్ మీడియాలో పోస్ట్ చేసిన అమ్మాయి

దిశ, వెబ్‌డెస్క్ : సోషల్ మీడియా వచ్చాక ఎవరికీ ప్రైవసీ లేకుండా పోయింది. బెడ్ మీద నుంచి లేచింది మొదలు మళ్లీ రాత్రి కంటి మీదికి నిద్రముంచుకొచ్చే వరకు ఫొటోలు, వీడియోలు తీసి సోషల్ మీడియాలో పోస్ట్ చేస్తోంది నేటి యువత. దీనినే అదునుగా తీసుకుని బ్లాక్ మెయిలింగ్‌కు పాల్పడుతున్నారు సైబర్ నేరగాళ్లు. తాజాగా ఓ యువతి ఇన్ స్టా నుంచి ఫొటోలు, వీడియోలు డౌన్ లోడ్ చేసి వాటిని నగ్నంగా మార్చి సోషల్ మీడియాలో పోస్ట్ చేసింది మరో యువతి. విశాఖ సైబర్ క్రైం సీఐ సోమేశ్వర్ రావు కథనం ప్రకారం..

విశాఖపట్నానికి చెందిన ఓ యువతి ఇన్ స్టాలో ఉన్న ఫొటోలను నగ్నంగా మార్ఫింగ్ చేసి సోషల్ మీడియాలో పెట్టారు. అంతే కాదు.. ఆ యువతి తల్లి గురించి కూడా చాలా దారుణంగా పోస్ట్ చేశారు. వాటిని చూసిన యువతి వెంటనే విశాఖ సైబర్ క్రైం పోలీసులకు ఫిర్యాదు చేసింది. రంగంలోకి దిగిన పోలీసులు ఆ యువతికి గిట్టని అబ్బాయిలపై ఫోకస్ చేశారు. కానీ టెక్నాలజీని ఉపయోగించి చూడగా.. ఆ పోస్టులు పెట్టింది ఓ యువతని తేలడంతో అందరూ షాక్‌కు గురయ్యారు. ఆ కన్నింగ్ లేడీని అదుపులోకి తీసుకోని విచారించగా విస్తుపోయే విషయాలు బయటపడ్డాయి.

నిందితురాలైన యువతి హెల్త్ డిపార్ట్‌మెంట్‌లో పని చేస్తూ అక్కడి ఉద్యోగితో ప్రేమలో పడింది. ఇద్దరు చెట్టాపట్టాల్ వేసుకుని తిరుగుతూ గాఢంగా లవ్‌లో మునిగిపోయారు. అదే సమయంలో తన ప్రియుడికి మాజీ లవర్ ఉన్నట్లు తెలుసుకుంది. దీంతో జలసిగా ఫీల్ అయిన ప్రియురాలు ఆమెపై తప్పుడు ప్రచారం చేయడం ప్రారంభించింది. ఆ యువతి ఇన్ స్టాగ్రామ్‌లో ఉన్న ఫొటోలు, వీడియోలను డౌన్‌లోడ్ చేసుకోని మార్ఫింగ్ చేయించింది. వాటిని సోషల్ మీడియాలో పోస్ట్ చేసి వైరల్ చేసింది. అలాగే యువతి తల్లి ఫొటోలను కూడా తీసుకుని ఆమెపై బూతుగా ప్రచారం చేసింది. వీళ్లే కాక మరో ఇద్దరు మహిళలపై కూడా తప్పుగా పోస్టులు పెట్టింది. అయితే తన ప్రియుడికి ఆ యువతి మొదటి ప్రియురాలుగా ఉన్నదనే జలసితోనే ఇలా తప్పుడు మార్గంలో ఆమెపై కసి తీర్చుకునేందుకు ప్లాన్ వేసినట్లు పోలీసుల విచారణలో తేలింది. ఆ కన్నింగ్ యువతిని అరెస్ట్ చేసినట్లు సీఐ సోమేశ్వరరావు వెల్లడించారు. అమ్మాయిల పట్ల అమ్మాయిలే విలన్‌గా మారడం ఆశ్చర్యం కలిగించిందని సీఐ విస్మయం వ్యక్తం చేశారు.