రికార్డుల నుంచి ఆయన వ్యాఖ్యలు తొలగింపు

దిశవెబ్ డెస్క్: సభలో కాంగ్రెస్‌పై విజయసాయి రెడ్డి చేసిన వ్యాఖ్యలను రికార్డుల నుంచి రాజ్యసభ తొలగించింది. రైతు బిల్లులపై చర్చ సందర్భంగా కాంగ్రెస్ పై ఆయన తీవ్ర విమర్శలు చేశారు. కాంగ్రెస్ ఓ దళారి పార్టీ అంటూ ఘాటుగా ఆయన విమర్శించారు. అయితే ఈ వ్యాఖ్యలపై కాంగ్రెస్ పార్టీ తీవ్ర అభ్యంతరం వ్యక్తం చేసింది. దీంతో ఆ విమర్శలను రికార్డుల నుంచి తొలగించాలని చైర్మన్ వెంకయ్యనాయుడు నిర్ణయించారు.