బాలీవుడ్ సినిమాలో సేతుపతి..
దిశ, వెబ్‌డెస్క్ : ‘మక్కళ్ సెల్వన్’ విజయ్ సేతుపతి సౌత్, నార్త్ సంబంధం లేకుండా దూసుకుపోతున్నాడు. హీరో, విలన్, క్యారెక్టర్ ఆర్టిస్ట్ అనే తేడా లేకుండా రోల్ ఇంపార్టెన్స్‌ను బట్టి కెరియర్‌లో సక్సెస్ అందుకుంటున్నాడు. ఇప్పటికే చేతిలో బోలెడు సినిమాలతో బిజీబిజీగా ఉన్న సేతుపతి.. కొత్తగా క్రికెటర్ ముత్తయ్య మురళీధరన్ బయోపిక్ చేస్తున్నట్లు ప్రకటించిన విషయం తెలిసిందే. ఇప్పుడు కొత్తగా మరో బాలీవుడ్ ప్రాజెక్ట్ సైన్ చేశాడట మోస్ట్ టాలెంటెడ్ విజయ్.
తమిళ్ హిట్ ఫిల్మ్ ‘మానగరమ్’ బాలీవుడ్‌లో రీమేక్ చేస్తున్నట్లు సంతోష్ శివన్ ఇప్పటికే కన్‌ఫర్మ్ చేయగా.. విక్రాంత్ మాస్సీ లీడ్ రోల్ చేస్తున్నారు. ఇప్పుడు విజయ్ సేతుపతి కీలక పాత్రలో కనిపించబోతున్నాడు. అంతేకాదు హిందీలో తనే డబ్బింగ్ చెప్పాలని డిసైడ్ అయ్యాడని టాక్. నటుడు సంజయ్ మిశ్రా కూడా ఇంపార్టెంట్ రోల్ చేయబోతుండగా.. దీని గురించి మరిన్ని వివరాలు ప్రకటించనుంది మూవీ యూనిట్. 2021లో చిత్రీకరణ ప్రారంభం కానుండగా.. ముంబైలోనే అధిక భాగం షూటింగ్ జరపనున్నట్టు తెలుస్తోంది. కాగా సంతోష్ శివన్‌తో వర్క్ చేయాలన్న కల నెరవేరబోతున్నందుకు సంతోషం వ్యక్తం చేశాడు విక్రాంత్.
సందీప్ కిషన్, రెజీనా కసాండ్రా ప్రధాన పాత్రల్లో వచ్చిన ‘మానగరమ్’ క్రైమ్ డ్రామాకు లోకేష్ కనకరాజు డైరెక్టర్ కాగా.. ఊహించని సస్పెన్స్, థ్రిల్స్‌తో సూపర్ హిట్ అయింది.
