ఆ రెండు మృతదేహాలు ఎక్కడివి..?

దిశ,విశాఖపట్నం: విశాఖ జిల్లా కశింకోట మండలం గవినిపేట ఏలేరు కాలువలో గుర్తు తెలియని బాలిక, మరో మహిళ మృతదేహాలు సోమవారం సాయంత్రం లభ్యమైయ్యాయి. స్థానికుల సమాచారం మేరకు సంఘటన స్థలానికి కశింకోట పోలీసులు వచ్చి మృతుల వివరాలు సేకరిస్తున్నారు. అయితే ఆ రెండు మృతదేహాలు తల్లి కూతురుగా పోలీసులు అనుమానిస్తున్నారు. సంఘటన స్థలంలో ఎటువంటి అధారాలు లేకపోవడంతో మృతుల వివరాల కోసం పోలీసులు విస్తృతంగా ఆరా తీస్తున్నారు. దీనిపై దర్యాప్తు చేసి కేసు నమోదు చేశామని కశింకోట ఎస్సై సురేష్ కుమార్ తెలిపారు.