Trending: డయల్-100కు కాల్ చేసిన వ్యక్తి.. వచ్చి చూసేసరికి పోలీసుల మైండ్ బ్లాంక్ అంతే (వీడియో వైరల్)
దిశ, వెబ్‌డెస్క్: ఎవరైనా ఆపదలో ఉంటే వెంటనే అప్రమత్తమై బాధితులను ఆదుకునేందుకు పోలీసు శాఖ ‘డయల్-100’ను ఏర్పాటు చేసింది. ఏదైనా ప్రమాదం జరిగితే బాధితులు ఒక్క కాల్ చేస్తే.. ప్రమాద ఘటనకు చేరుకునేందుకు ఆ నెంబర్ చాలామందికి ఉపయోగకరంగా ఉంటోంది. అయితే, ప్రస్తుతం డయల్-100’ను కొంతమంది అపహాస్యం చేస్తున్నారు. తాజాగా, ఓ వ్యక్తి డయల్-100కు కాల్ చేశాడు. విషయం ఏంటని పోలీసులు అతడిని ప్రశ్నించగా.. మీరైతే త్వరగా రండి అంటూ హడావుడిగా ఫోన్ పెట్టేశాడు. ఈ క్రమంలో ఎంత ఘోరం జరిగిందోనని కాల్ చేసిన వ్యక్తి ఇంటికి పోలీసులు వెళ్లాగా.. ఇక్కడే అసలు విషయం బయటపడింది. కాల్ ఎందుకు చేశారని ఇంటి యజమానిని అడగ్గా.. ఇంట్లోకి కుక్క వచ్చిందంటూ సమాధానమిచ్చాడు. దీంతో ఒక్కసారిగా పోలీసుల మైండ్ బ్లాంక్ అయ్యింది. ఈ క్రమంలో వారు ఇంటి యజమానిపై ఓ రేంజ్‌లో మండిపడ్డారు. ఎవరైనా ఇంట్లోకి కుక్క వస్తే.. బయటకు వెళ్లగొట్టాలి, లేకపోతే గేటు పెట్టుకోవాలి. అంతే కానీ డయల్-100 కాల్ చేస్తారాంటూ వార్నింగ్ ఇచ్చి అక్కడి నుంచి వెళ్లిపోయారు. ఈ ఘటన ఎక్కడ జరిగిందో తెలీదు కానీ.. ప్రస్తుతం అందుకు సంబంధించిన వీడియో సోషల్ మీడియాలో తెగ వైరల్ అవుతోంది.
