చంద్రబాబుకు మద్దతుగా మరో ఉద్యోగి రాజీనామా..

దిశ, వెబ్ డెస్క్: చంద్రబాబుకు అసెంబ్లీలో జరిగిన అవమానం తనను కలచివేసిందని అలాంటి ప్రభుత్వంలో తాను పనిచేయలేను అని తన ఉద్యోగానికి రాజీనామా చేసింది అనితా దీప్తీ. చంద్రబాబు కన్నీళ్లు పెట్టుకోవడం తాను చూడలేక పోయానని, ఇంతటి దుర్మార్గం సహించలేక పోతున్నానని కడప జిల్లా ఓబులవారి పల్లె మండలం వై.కోట గ్రామానికి చెందిన దుద్యాల అనితా దీప్తి అన్నారు.

కడప జిల్లా రైల్వే కోడురులో నిన్న ఎన్టీఆర్ విగ్రహానికి నివాళి అర్పించి తన ఉద్యోగానికి రాజీనామా చేశారు. ఇవాళ ఉన్నతాధికారులకు తన రాజీనామా లేఖను అందజేస్తానని ప్రకటించారు. ఈ సందర్భంగా ఆమె మాట్లాడుతూ.. శ్యాప్ మాజీ డైరెక్టర్ దుద్యాల జయచంద్ర కూతురునని, తాను 2014 లో మెప్మాలో టౌన్ మిషన్ కో ఆర్డినేటరుగా ఉద్యోగం లో చేరానని, తెలిపింది.