నువ్వు మారవా? అంటూ తల బాదుకున్న హీరో అభిషేక్ బచ్చన్
దిశ, సినిమా: బాలీవుడ్ కొత్త సినిమాల ప్రమోషన్‌కు ‘ది కపిల్ శర్మ షో’ ఎప్పటి నుంచో పర్‌ఫెక్ట్ ప్లాట్‌ఫామ్‌గా నిలుస్తోంది. తాజాగా అభిషేక్ బచ్చన్, చిత్రాంగదా సింగ్ కూడా ఈ షోలో పాల్గొని హల్‌చల్ చేశారు. ఈ మేరకు తమ అప్‌కమింగ్ క్త్రైమ్ థ్రిల్లర్‌ ‘బాబ్ బిస్వాస్’ గురించి ఆసక్తికర విషయాలను పంచుకున్నారు. అయితే ఎప్పుడూ సోషల్ మీడియాలో యాక్టివ్‌గా ఉండే చిత్రాంగదా సింగ్.. ఓ పక్క షో జరుగుతుంటే, తను మాత్రం ఇన్‌స్టా రీల్స్ చేయడంలో బిజీగా ఉండిపోయిందట. ఈ విషయాన్ని గమనించిన అభిషేక్.. ఈ టైమ్‌లో ఇదేం పని, ఆపేయాలని సూచించాడట. కానీ అభిషేక్ మాటలను అంతగా పట్టించుకోని నటి.. షూటింగ్ కంప్లీట్ అవగానే మరో రీల్‌‌ను సోషల్ మీడియాలో పోస్ట్ చేసింది. కొద్ది సెకన్లలోనే ఈ వీడియోపై స్పందించిన అభిషేక్.. నువ్వు మారవా? అనే అర్థం వచ్చేలా తలకొట్టుకుంటున్న ఎమోజీని పోస్టు చేశాడు. అయితే ‘రీల్స్ చేయడం నాకు ఎంత ఇష్టమో నీకు తెలుసు కదా!’ అంటూ జూనియర్ బచ్చన్‌కు రిప్లై ఇచ్చింది చిత్రాంగదా సింగ్.
