ఆఫ్ఘనిస్తాన్‌లో దారుణం.. విమానంపై నుంచి పడి ఫుట్‌బాల్ ప్లేయర్ మృతి

దిశ, వెబ్‌డెస్క్: ఆఫ్ఘనిస్తాన్‌‌లో మరో దారుణం చోటు చేసుకుంది. తాలిబన్ల చెర నుంచి తప్పించుకునే క్రమంలో ఆ దేశ ఫుట్‌బాల్ ప్లేయర్ జాకీ అన్వరీ ప్రాణాలు కోల్పోయాడు. కాబూల్ విమానాశ్రయంలో విమానంపై నుంచి కిందపడి మరణించాడు. ఈ మేరకు ఆఫ్ఘన్ వార్తాసంస్థ ఒక ప్రకటన విడుదల చేసింది. ఆఫ్ఘన్ జాతీయ జట్టు ఫుట్‌బాల్ ప్లేయర్ జాకీ అన్వరీ యూఎస్ఏఎఫ్ బోయింట్ సి-17 విమానంలో చోటు లేకపోవడంపై దాని చక్రాలు పట్టుకుని ప్రయాణించే ప్రయత్నం చేశాడు. అయితే, విమానం టేకాఫ్ అవగానే అన్వర్ కింద పడి ప్రాణాలు కోల్పోయాడు. అతడి మరణాన్ని జనరల్ డైరెక్టరేట్ ఫర్ స్పోర్ట్స్ నిర్ధారించింది. ఈ విషయాన్ని ఆఫ్ఘన్ వార్తా సంస్థ అరియానా వెల్లడించింది.