'మాయోన్'.. ఘనంగా ప్రీ రిలీజ్ ఈవెంట్
దిశ, సినిమా : సిబిరాజ్, తాన్య రవిచంద్రన్, రాధా రవి ప్రధాన పాత్రల్లో తెరకెక్కిన చిత్రం 'మాయోన్'. మైథలాజికల్ మిస్టరీ థ్రిల్లర్‌గా రూపొందించిన ఈ సినిమా ఈ నెల 7న విడుదల కాబోతుండగా.. తాజాగా ప్రీ రిలీజ్ ఈవెంట్‌ను ఘనంగా నిర్వహించారు మేకర్స్. ఈ కార్యక్రమానికి విజయేంద్ర ప్రసాద్, సత్య ప్రకాష్, ప్రసన్న కుమార్ తదితరులు ముఖ్య అతిథులుగా హాజరయ్యారు. ఈ సందర్భంగా వారు మాట్లాడుతూ.. పురాతన దేవాలయానికి సంబంధించిన రహస్య పరిశోధనగా హై టెక్నికల్‌ వాల్యూస్‌‌తో కూడిన చిత్రాన్ని తెలుగు ప్రేక్షకులకు అందిస్తున్నందుకు సంతోషంగా ఉందన్నారు. కాగా ఈ మూవీని వెండితెరపై చూస్తేనే ప్రేక్షకులు ఎంజాయ్ చేస్తారన్న నిర్మాతలు.. తమ సినిమాను ఆదరించి, ఆశీర్వాదించాలని కోరారు. కిషోర్ దర్శకత్వం వహించిన చిత్రాన్ని మూవీమ్యాక్స్ అధినేత మామిడాల శ్రీనివాస్, అరుణ్ మోజి మాణికం నిర్మించగా ఇళయరాజా సంగీతం అందించారు.
