పాత్ర డిమాండ్ చేస్తే అది చేయడానికి కూడా రెడీ.. సయి మంజ్రేకర్

దిశ, వెబ్‌డెస్క్: మెగా ప్రిన్స్ వరుణ్ తేజ్ హీరోగా స్పోర్ట్స్ బ్యాక్ డ్రాప్‌లో కిర‌ణ్ కొర్రపాటి దర్వకత్వంలో తెరకెక్కిన చిత్రం 'గని'. ఏప్రిల్ 8న విడుదల కాబోతున్న ఈ సినిమాలో.. బాలీవుడ్ బ్యూటీ సయి మంజ్రేకర్ హీరోయిన్‌గా నటించింది. చిత్ర ప్రమోషన్స్‌లో బిజీగా ఉన్న ఈ భామ.. తాజాగా ఇచ్చిన ఇంటర్వ్యూలో పలు ఆసక్తికర విషయాలు వెల్లడించింది. టాలీవుడ్ నటులపై ప్రశంసలు కురిపించిన ఈ అందాల భామ.. పవన్ కళ్యాణ్, అల్లు అర్జున్, రాంచరణ్ అంటే ఇష్టమని చెప్పింది. తనకు ఎలాంటి కెరీర్ ప్లానింగ్స్ లేవని.. మంచి కథలు దొరికితే నటించుకుంటూ వెళ్తానని తెలిపింది.

తెలుగు, హిందీలోనే కాకుండా అన్ని భాషల్లో నటించాలని ఉందని తన కోరికను బయటపెట్టింది బాలీవుడ్ భామ. అయితే తను నటించే సినిమాల్లో కథ డిమాండ్ చేస్తే.. గ్లామర్ షో చేసేందుకు కూడా రెడీ అని డైరెక్టర్‌లకు బంఫర్ ఆఫర్ ఇచ్చింది ఈ హాట్ బ్యూటీ. గని సినిమా ఖచ్చితంగా విజయం సాధిస్తుందని.. వరుణ్ తేజ్ చాలా మంచి కో యాక్టర్ అని కితాబ్ ఇచ్చింది సయి మంజ్రేకర్.