Ram Charan: మైసూర్‌కు వెళ్తున్న రామ్ చరణ్.. కారణం ఏంటంటే?
దిశ, సినిమా: గ్లోబల్ స్టార్ రామ్ చరణ్ (Global Star Ram Charan) త్వరలో ‘గేమ్ చేంజర్’ (game changer) చిత్రంతో ప్రేక్షకుల ముందుకు వచ్చేందుకు సిద్ధంగా ఉన్నాడు. స్పోర్ట్స్ బ్యాక్‌డ్రాప్‌లో తెరకెక్కుతోన్న ఈ చిత్రానికి శంకర్ (Shankar) దర్శకత్వం వహిస్తుండగా.. ఇందులో కియారా అద్వానీ (Kiara Advani) హీరోయిన్‌గా నటిస్తుంది. దిల్ రాజు నిర్మాణంలో శ్రీవెంకటేశ్వర క్రియేషన్స్ బ్యానర్‌పై రూపొందుతున్న ఈ మూవీ సంక్రాంతి కానుకగా.. జనవరి 10న గ్రాండ్‌గా థియేటర్స్‌లో విడుదల కానుంది. అయితే.. ఈ మూవీ ఇంకా రిలీజ్ కాకముందే రామ్ చరణ్ తన తదుపరి చిత్రానికి సిద్ధం అవుతున్నాడు.
రామ్ చరణ్, డైరెక్టర్ బుచ్చిబాబు (Buchibabu) కాంబోలో ‘RC16’ అనే వర్కింగ్ టైటిల్‌తో ఓ చిత్రం రాబోతుంది. మైత్రీ మూవీ మేకర్స్ బ్యానర్‌పై రూపొందుతున్న ఈ మూవీలో బాలీవుడ్ బ్యూటీ జాన్వీ కపూర్ (Jahnvi Kapoor) హీరోయిన్‌గా నటిస్తుంది. అయితే.. ఈ సినిమా షూటింగ్ త్వరలో స్టార్ట్ కాబోతున్నట్లు గత కొద్ది రోజులుగా సోషల్ మీడియాలో వార్తలు వైరల్ అవుతున్న సంగతి తెలిసిందే. ఈ క్రమంలోనే తాజాగా ఈ మూవీ షూటింగ్‌పై క్రేజీ అప్‌డేట్ వచ్చింది. ఈ సినిమా మొదటి షెడ్యూల్‌ను కర్ణాటక (Karnataka)లోని మైసూరులో అట్టహాసంగా స్టార్ట్ చేశాడు బుచ్చిబాబు. మైసూరులో దాదాపు 15 రోజులు పాటు జరగనున్న ఈ షెడ్యూల్‌లో పాల్గొనేందుకు రామ్ చరణ్ కూడా హైదరాబాద్ నుంచి మైసూర్‌కు బయలుదేరారు. ప్రజెంట్ ఇందుకు సంబంధించిన ఓ వీడియో నెట్టింట వైరల్ అవుతోంది. ఇక ‘RC16’ షూటింగ్ స్టార్ట్ అయిందని తెలుసుకున్న రామ్ చరణ్ ఫ్యాన్స్ ఆనందం వ్యక్తం చేస్తున్నారు.
Read More...
Sai Dharam Tej: FSFAలో పోటీ పడుతున్న ‘సత్య’.. మీ మద్దతు తెలిపి గెలిపించాలంటూ సాయి ధరమ్ తేజ్ పోస్ట్
