తెలుగు ప్రేక్షకుల హృదయాల్లో మంచి స్థానం ఉంటుందని నమ్ముతున్నాను.. నారా భువనేశ్వరి

దిశ, సినిమా: నందమూరి ఫ్యామిలీ(Nandamuri Family) నుంచి నాలుగో తరం హీరో టాలీవుడ్‌కి రాబోతున్న సంగతి తెలిసిందే. నందమూరి జానకిరామ్(Janakiram) తనయుడు, హరికృష్ణ(Harikrishna) మనవడు నందమూరి రామారావు(Nandamuri Ramarao) సినీ ఇండస్ట్రీలోకి అడుగుపెడుతున్నాడు. వైవిఎస్(YVS) దర్శకత్వంలో ఎన్టీఆర్ కొత్త హీరోగా తెరంగేట్రం చేయనున్నాడు. అతి త్వరలోనే ఈ మూవీ షూటింగ్ స్టార్ట్ కానుంది. కాగా తాజాగా వైవీఎస్ చౌదరి.. తారక రామారావు ఫస్ట్ లుక్‌ను రివీల్ చేశారు. పవర్ ఫుల్ లుక్స్‌తో, బేస్ వాయిస్‌తో చూడగానే ఆకట్టుకునే లుక్‌లో నందమూరి నాలుగో తరం వారసుడు దర్శనమిచ్చాడు. ఇక ఇప్పటికే జూనియర్ ఎన్టీఆర్(JR. NTR), కళ్యాణ్ రామ్‌(Kalyan Ram)లు అతనికి విషెస్ చెప్పారు. ఈ క్రమంలో తాజాగా ఏపీ ముఖ్యమంత్రి నారా చంద్రబాబు నాయుడు(Nara Chandrababu Naidu) సతీమణి నారా భువనేశ్వరి(Nara Bhuvaneshwari) కూడా జానకీ రామ్ కుమారుడు ఎన్టీఆర్‌కి సోషల్ మీడియా వేదికగా శుభాకాంక్షలు తెలిపింది.

వైవిఎస్ చౌదరి(YVS Chowdary) దర్శకత్వంలో మా రామ్ హీరోగా పరిచయం అవుతున్నందుకు చాలా హ్యాపీగా ఉంది. ఇది గర్వించదగిన సమయం. అతనికి తెలుగు ప్రేక్షకుల హృదయాలలో మంచి స్థానం ఉంటుందని నమ్ముతున్నాను. జానకి రామ్ తనయుడుగా, నా దివంగత హరికృష్ణ గారి మనవడిగా, ఎన్టీఆర్ మునిమనవడిగా మా కుటుంబాన్ని వారసత్వాన్ని గౌరవప్రదంగా ముందుకు తీసుకెళ్తారనే నమ్మకం నాకు ఉంది అని నారా భువనేశ్వరి అన్నారు. కాగా బాలయ్య(Balayya) బాబు తనయుడు మోక్షజ్ఞ(Mokshagna) కూడా రీసెంట్‌గా ఎంట్రీ ఇచ్చాడన్న సంగతి తెలిసిందే. ఇక ఎన్టీఆర్, మోక్షజ్ఞల సినిమాలు ఒకేసారి సెట్స్ పైకి రానున్నట్లు సమాచారం. మరి వీరు కూడా నందమూరి హీరోలా రాణిస్తారో లేదో తెలియాలంటే వీరి చిత్రాలు రిలీజ్ అయ్యే వరకు వెయిట్ చేయాల్సిందే.