బాలయ్య అన్స్టాపబుల్ ఎపిసోడ్ పార్ట్ 2 ప్రోమో రిలీజ్.. అక్కడ అర్హ ఆ పని చేసి అందరికీ షాక్ ఇచ్చిందిగా
దిశ, సినిమా: నందమూరి బాలకృష్ణ హోస్ట్‌గా వ్యవహరిస్తున్న షో ‘అన్స్టాపబుల్ సీజన్4’. ఇక ఈ షోకు రీసెంట్‌గా హీరో అల్లు అర్జున్ వచ్చిన సంగతి తెలిసిందే. అక్కడ ఐకాన్ స్టార్ ఎన్నో ఇంట్రెస్టింగ్ విషయాలను బాలయ్య బాబుతో పంచుకున్నాడు. అయితే ఈ ఏపిసోడ్‌కి పార్ట్2 కూడా ఉందని ప్రకటించారు. ఈ క్రమంలో తాజాగా అల్లు అర్జున్- బాలకృష్ణ అన్స్టాపబుల్ పార్ట్2 ప్రోమోను వైల్డ్ ఫైర్ పార్ట్2 అంటూ రిలీజ్ చేశారు. ఇక ఈ ఎపిసోడ్‌లో అల్లు అర్జున్ పిల్లలు అల్లు అయాన్, అర్హ వచ్చి సందడి చేశారు. అంతేకాకుండా అర్హ తెలుగు పద్యం చక్కగా పాడి వినిపించింది. దీంతో ఇంత చిన్న వయసులో ఇంత అనర్గళంగా పద్యం చెప్పేసరికి అక్కడున్నవారంతా షాక్ అయ్యారు. అలాగే ఈ షోలో అల్లు అర్జున్ ‘పుష్ప 2’ సినిమా గురించి, తన పెళ్లి గురించి మాట్లాడారు. దేవిశ్రీ ప్రసాద్‌కు కాల్ చేసి మాట్లాడారు. ఫైనల్‌గా ఎపిసోడ్ ప్రోమో మాత్రం ఫుల్ ఎంటర్టైనింగ్‌గా అనిపించింది. దీంతో ఫుల్ ఎపిసోడ్ ఇంకే రేంజ్‌లో ఉండబోతుందో అని ఫ్యాన్స్ ఈగర్‌గా ఎదురుచూస్తున్నారు. ఇక ఈ ఫుల్ ఎపిసోడ్ నవంబర్ 22న ఆహా ఓటీటీలో స్ట్రీమింగ్ కానుంది. మరి మీరు కూడా ఓ సారి ఈ ప్రోమోను చూసేయండి..
