బీఆర్ఎస్‌కు కంటిమీద కునుకు లేకుండా చేస్తున్న రేవంత్ (వీడియో)
దిశ, డైనమిక్ బ్యూరో: తెలంగాణ ఎన్నికల షెడ్యూల్ ప్రకటించడంతో క్షేత్రస్థాయిలో వివిధ పార్టీలో పనిచేసే కీలక నేతలు పార్టీలు మారుతున్నారు. ఈ నేపథ్యంలోనే ఇవాళ భారీగా కాంగ్రెస్ పార్టీలోకి చేరారు. బీఆర్ఎస్, బీజేపీ నుంచి పలువురు మాజీ ఎంపీపీలు, సర్పంచులు హస్తం తీర్థం పుచ్చుకున్నారు. కల్వకుర్తి నియోజకవర్గానికి చెందిన మాజీ ఎంపీపీలు రాంరెడ్డి, సాంబయ్య గౌడ్, సర్పంచ్ లక్ష్మణ్ నాయక్, మాజీ ఎంపీటీసీలు, మాజీ సర్పంచులు, వార్డు సభ్యులు, కార్యకర్తలు కండువా కప్పుకున్నారు. కొడంగల్ నియోజకవర్గం దుద్యాల మండలానికి చెందిన పలువురు నేతలు కాంగ్రెస్ తీర్థం పుచ్చుకున్నారు. షాద్ నగర్ నియోజకవర్గానికి చెందిన సర్పంచులు ప్రతాప్, మంజుల, బాలరాజు, గోపాల్, రాములు, యాదయ్య, జహంగీర్, కౌన్సిలర్లు, ఇతర నేతలు కాంగ్రెస్‌లో చేరారు. వీరందరిని జూబ్లీహిల్స్ నివాసంలో రేవంత్ రెడ్డి కండువా కప్పి పార్టీలోకి ఆహ్వానించారు.
