ఆర్టీఏ సర్వర్ డౌన్.. నిలిచిన వాహనాల రిజిస్ట్రేషన్లు

దిశ, డైనమిక్ బ్యూరో : రాష్ట్ర వ్యాప్తంగా ఆర్టీఏ సర్వర్ డౌన్ అయింది. ఉదయం నుంచి సర్వర్ మొరాయిస్తుండడంతో వాహనాల రిజిస్ట్రేషన్లు నిలిచిపోయాయి. దీంతో వాహనదారులు తీవ్ర ఇబ్బందులు ఎదుర్కొంటున్నారు. సర్వర్‌లో సాంకేతిక సమస్య తలెత్తిందని అధికారులు తెలిపారు. రాష్ట్రవ్యాప్తంగా ఇదే పరిస్థితి నెలకొంది. తమ వాహనాలు ఎప్పుడు రిజిస్ట్రేషన్ అవుతాయోనని ఆర్టీఏ కార్యాలయం వద్ద వాహనదారులు పడిగాపులు కాస్తున్నారు. త్వరగా సమస్యను పరిష్కరించాలని డిమాండ్ చేస్తున్నారు.

దీంతో టెక్నికల్ టీమ్ సర్వర్‌లో ఏర్పడిన ఇబ్బందిని పరిష్కరించేందుకు ప్రయత్నిస్తోంది. కాగా, అటు ఏపీలోనూ గత రెండు రోజులుగా సాంకేతిక లోపాల కారణంగా రాష్ట్రవ్యాప్తంగా రిజిస్ట్రేషన్ సేవలు నిలిచిపోయాయి. సోమవారం రిజిస్ట్రేషన్లు నిలిచిపోవడంతో, మంగళవారం కూడా అదే పరిస్థితి నెలకొన్న సంగతి తెలిసిందే.