ఔటర్ పై రోడ్డు ప్రమాదం.. లారీని ఢీకొన్న కారు

దిశ, పటాన్ చెరు: ఔటర్ రింగ్ రోడ్డుపై ఘోర రోడ్డు ప్రమాదం జరిగింది. లారీని కారు ఢీకొన్న ఘటనలో ఒకరు మృతి చెందగా ముగ్గురికి తీవ్ర గాయాలయ్యాయి. వనస్థలిపురం నుంచి సదాశివపేట వైపునకు టీఎస్ 07 జే డబ్ల్యూ 0592 నెంబర్ గల ఎర్టీగా కారు ముందుగా వెళ్తున్న ఏపీ 07 టీహెచ్ 2187 నెంబర్ గల లారీని వెనుక నుంచి ఢీకొట్టింది. ఈ ఘటనలో కారులో ప్రయాణిస్తున్న గిరి (50) అక్కడికక్కడే మృతి చెందగా శ్యాంసుందర్ గౌడ్ (45), దత్తాత్రేయ(44) సుధాకర్ (46) ముగ్గురికి తీవ్ర గాయాలకు గురయ్యారు. గాయపడిన వారిని యశోద ఆసుపత్రికి తరలించి, మృతుని పోస్టుమార్టం నిమిత్తం పటాన్ చెరు ఏరియా హాస్పిటల్‌కి తరలించారు. సంఘటనా స్థలం చేరుకొని కేసు నమోదు చేసి బీడీఎల్ బానూర్ పోలీసులు దర్యాప్తు చేస్తున్నారు.