గంజాయి విక్రయిస్తున్న ఇద్దరు యువకుల అరెస్ట్..
దిశ, శేరిలింగంపల్లి : సాఫ్ట్వేర్ ఉద్యోగం కోసం నగరానికి వచ్చిన యువకులు అడ్డదారిలో సులువుగా డబ్బు సంపాదన కోసం గంజాయి విక్రయిస్తూ పోలీసులకు అడ్డంగా బుక్కయ్యారు. ఈ ఘటనకు సంబంధించి ప్రాథమిక సమాచారం మేరకు.. పశ్చిమగోదావరి జిల్లాకు చెందిన రవి కృష్ణ, నాగ పవన్ ఇద్దరూ ఉన్నత చదువులు చదివి నగరానికి వచ్చి సాఫ్ట్వేర్ ఉద్యోగులుగా స్థిరపడదాం అనుకున్నారు. అయితే నగరానికి వచ్చాక ఉద్యోగాల వేట పక్కనపెట్టి జల్సాలకు అలవాటు పడ్డారు.
ఈ క్రమంలో ఈజీగా డబ్బు సంపాదన కోసం గంజాయి విక్రయించాలని నిర్ణయించుకున్నారు. రవికృష్ణ, నాగ పవన్ ఇద్దరూ కలిసి బుధవారం రాత్రి గచ్చిబౌలి అల్ సభ హోటల్ వద్ద గంజాయి విక్రయిస్తుండగా పక్క సమాచారంతో రాయదుర్గం పోలీసులు రైడ్ చేశారు. విక్రయానికి సిద్ధంగా ఉన్న 5.5 కిలోల గంజాయిని నిందితుల నుండి స్వాధీనం చేసుకున్నారు. వారిని అదుపులోకి తీసుకున్న రాయదుర్గం పోలీసులు కేసు నమోదు చేసుకొని దర్యాప్తు చేస్తున్నారు.
